Coega
Coega is 'n nywerheidsontwikkelingsone (NOS) naby Port Elizabeth, Oos-Kaap met 'n oppervlakte van 11 500 hektaar.
Ngqura-diepwaterhawe
wysigDie Ngqura-diepwaterhawe maak deel uit van die ontwikkelingsone. Die hawe is vanaf 2002 ontwikkel en in 2009 in diens gestel. Ngqura is die diepste houereindpunt van Afrika suid van die Sahara en kan die nuwe-generasie-reuse-houerskepe hanteer.
Transnet
wysigTransnet is tans besig om die mangaaneindpunte van Port Elizabeth na Ngqura te verskuif. Alle mangaan sal dan deur Ngqura uitgevoer word. Daar word ook beplan om die uitvoervermoë van 7 miljoen ton na meer as 20 miljoen ton te verhoog. Transnet het ook bevestig dat die spoorverbinding tussen Coega en die Noord-Kaap opgegradeer sal word. Daar word ook beplan om 'n raffinadery en 'n mangaan-smelter hier te bou.[1]
Tot en met Maart 2014 het slegs 23 ondernemings aanlegte in Coega gevestig, veral nadat die ontwikkelingsone se oorspronklike ankerprojek, 'n aluminium-smelter van Alcan, uit vrees vir 'n moontlike energietekort nie verwesenlik is nie.[2] Intussen stel steeds meer beleggers belang in Coega. Die Sjinese onderneming FAW vervaardig hier vragvoertuie, Agni Steel het 'n klein staalfabriek geopen, en Afrisam beplan 'n nuwe sementmeul. Teen die middel van 2014 sal die getal ondernemings in Coega na verwagting tot 27 styg.
Verwysings
wysig- ↑ Rapport. Belegging in Coega bied baie voordele. 6 Mei 2010
- ↑ "Germany Trade and Invest (GTAI), 20 Maart 2014: Südafrika plant neue Sonderwirtschaftszonen". Geargiveer vanaf die oorspronklike op 10 Junie 2017. Besoek op 27 Mei 2014.
Eksterne skakels
wysig- Coega se webtuiste
- RailwaysAfrica se webwerf Geargiveer 23 Augustus 2010 op Wayback Machine
