Coloradorivier (Texas)
Die Coloradorivier (Engels: Colorado River; Spaans: Río Colorado) is 'n groot suidoos-vloeiende rivier in die Verenigde State. Die Coloradorivier het 'n lengte van 1 387 km en is die grootste rivier wat geheel en al deur die Amerikaanse deelstaat Texas vloei.
| Coloradorivier | |
|---|---|
 soos vanaf Berg Bonnell gesien. soos vanaf Berg Bonnell gesien. | |
 | |
| Stroomgebied | Texas (Verenigde State) |
| Oorsprong | Dawson County (Texas, Verenigde State) |
| Monding | 28°35′41″N 95°58′59″W / 28.59472°N 95.98306°W Matagordabaai Golf van Meksiko |
| Lengte | 1 387 km (862 myl)[1] |
| Oorsprong-hoogte | 1 000 m (3 280 vt) |
| Monding-hoogte | 0 m (0 vt) |
| Gemiddelde afloop | 73,9 m³/s (2 609 vt³/s) |
| Stroomgebiedopp. | 103 000 km² (39 900 myl²)[2] |
Die Coloradorivier ontspring in die ooste van Texas, wes van die grens tot Nieu-Meksiko en vloei heeltyd in 'n suidoostelike rigting. In die suide van Texas vloei dit deur Austin, die belangrikste stad langs die Coloradorivier. Verder suidoos mond die Coloradorivier naby Matagordabaai in die Golf van Meksiko uit.
Die Coloradorivier, wat "rooi"[3] of "rooierige" rivier in Spaans beteken, is deur Spaanse ontdekkingsreisigers dikwels met die Brazosrivier verder noordoos verwar.[2] Die Europese ontdekkers van dié twee naburige riviere het die huidige Coloradorivier Brazos de Dios genoem en die huidige Brazosrivier Coloradorivier, maar later is die twee riviere se name met mekaar omgeruil.
Verwysings
wysig- ↑ (en) Kammerer, J.C. (1987). "Largest Rivers in the United States". United States Geological Survey. Besoek op 15 Julie 2006.
- ↑ 2,0 2,1 (en) Clay, Comer; Kleiner, Diana J. (15 Februarie 1999). "Colorado River". The Handbook of Texas Online. The General Libraries at the University of Texas at Austin en die Texas State Historical Association. Besoek op 22 Julie 2006.
- ↑ (en) (es) "Colorado – Diccionario Inglés-Español WordReference.com".
Eksterne skakels
wysig
Wikimedia Commons het meer media in die kategorie Coloradorivier (Texas).- (en) "Colorado River". Encyclopædia Britannica. Besoek op 5 Augustus 2020.
