Brazosrivier
Die Brazosrivier (Engels: Brazos River, [ˈbræzəs], ; Spaans: Río de los Brazos de Dios, letterlik: "Die rivier van die arms van God") is 'n groot suidoos-vloeiende rivier in die Verenigde State. Die Brazosrivier het 'n lengte van 1 352 km en is ná die Coloradorivier die tweede grootste rivier wat geheel en al deur die Amerikaanse deelstaat Texas vloei.
| Brazosrivier | |
|---|---|
 | |
 Die stroomgebied van die Brazosrivier. | |
| Oorsprong | Llano Estacado, Stonewall County (Texas, Verenigde State) |
| Monding | Brazoria County, Texas Golf van Meksiko |
| Stroomgebied | Texas (Verenigde State) |
| Lengte | 1 352 km (840 myl) |
| Oorspronghoogte | 453 m (1 486 vt) |
| Mondinghoogte | 0 m (0 vt) |
| Gemiddelde afloop | 237,5 m³/s (8 390 vt³/s) |
| Stroomgebiedopp. | 116 000 km² (45 000 myl²) |
Die Brazosrivier ontspring in die noorde van Texas, suid van die grens tot Oklahoma en vloei heeltyd in 'n suidoostelike rigting. In die noorde van Texas vloei dit deur Waco, die belangrikste stad langs die Brazosrivier. Verder suidoos mond die Brazosrivier naby Brazoria County in die Golf van Meksiko uit.
Die Brazosrivier, wat "arms" in Spaans beteken, is deur Spaanse ontdekkingsreisigers dikwels met die Coloradorivier verder suidwes verwar.[1] Die Europese ontdekkers van dié twee naburige riviere het die huidige Coloradorivier Brazos de Dios genoem en die huidige Brazosrivier Coloradorivier, maar later is die twee riviere se name met mekaar omgeruil.
Verwysings wysig
- ↑ (en) Clay, Comer; Kleiner, Diana J. (15 Februarie 1999). "Colorado River". The Handbook of Texas Online. The General Libraries at the University of Texas at Austin en die Texas State Historical Association. Besoek op 22 Julie 2006.
Eksterne skakels wysig
Wikimedia Commons het meer media in die kategorie Brazosrivier.- (en) "Brazos River". Encyclopædia Britannica. Besoek op 5 Augustus 2020.
