Doringkanniedood
Die doringkanniedood (Commiphora glandulosa), ook bekend as die groot gewone kanniedood, is 'n doringagtige struik of klein boom. Dit verkies sanderige grond en mopaniebosveld en kom noord van Gauteng voor; ook in die Lebomboberge, en noord van KwaZulu-Natal. Dit is volop in die Balule- en Pafurideel van die Krugerwildtuin.[1] Die spesie is ook inheems in Angola, Botswana, Demokratiese Republiek die Kongo, Eswatini, Malawi, Mosambiek, Namibië, Tanzanië, Zambië en Zimbabwe.
| Doringkanniedood | |
|---|---|
| |
| C. glandulosa in Limpopo | |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Rosids |
| Orde: | Sapindales |
| Familie: | Burseraceae |
| Genus: | Commiphora |
| Spesie: | C. glandulosa
|
| Binomiale naam | |
| Commiphora glandulosa Schinz, (1908)
| |
| Sinonieme | |
| |
Identifikasie wysig
Dit is 'n klein immergroen boom, word tot 6 m hoog met 'n digte, rofweg ronde kroon. Die stam is kort, reguit en redelik dik, soms met vertakkings reeds aan die laer deel. Die bas is donker grys, geelgrys tot groengrys en skilfer in klein papierdun vlokkies of selfs blokkies af.[1]
Die blomme is klein, rooi en buisvormig en verskyn gewoonlik in September tot Oktober. Die vruggies is effens asimmetries (maksimaal 1.3 cm by 1 cm) en helderrooi van kleur wanneer ryp.[1]
Fotogalery wysig
-
Bastekstuur -
Blaar, winter
Sien ook wysig
Verwysings wysig
- ↑ 1,0 1,1 1,2 1,3 Van Wyk, Piet (2008). Field guide to the TREES of the Kruger National Park. Kaapstad: Struik. p. 114. ISBN 978-1-77007-759-1.
- ↑ https://www.treetags.co.za/national-list-of-indigenous-trees/
Bronne wysig
- Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
- Watter Boom is dit? Eugene Moll 2013 ISBN 978 1 77007 832 1
- REDLIST Sanbi
- Plants of the World Online