Conodonta

Conodonta is ’n uitgestorwe groep mariene gewerwelde diere, wat baie soos palings gelyk het. Hulle was jare lank net bekend vanweë tandagtige mikrofossiele, wat nou Conodonta-elemente genoem word. Hulle het al in die Bo-Kambrium voorgekom en was dus van die oudste gewerwelde diere. Hulle het reeds in die Famennium-tydperk van die Devoon aan 'n groot uitwissing blootgestaan, maar die laaste Conodonta het waarskynlik aan die einde van die Trias uitgesterf.

Conodonta Tydperk: 495–199.6 m. jaar gelede PreЄ Є O S D C P T J K Pg N Laat Kambrium – Laat Trias
Twee tande en ’n rekonstruksie van ’n Conodonta
Wetenskaplike klassifikasie
Koninkryk:	Animalia
Filum:	Chordata
Klas:	†Conodonta
Groepe
Protoconodonta Conodonta Paraconodonta Euconodonta Panderodontida Prioniodontida Prioniodinina Ozarkodinina

Anatomie

Voorbeelde van Conodonta-tandjies uit die Karboon.

Hoewel redelik baie "tandjies" van die Conodonta gevind is, was fossiele van die diertjies seldsaam en dit was lank onduidelik tot watter soort hulle behoort het. In 1982 is in die Onder-Karboon van Skotland ’n fossiel van ’n hele diertjie gevind, ook die sagte deel van die liggaam. Sedertdien is meer sulke fossiele gevind. Die soort Clydagnathus het ’n duidelike struktuur gehad wat as voorloper van ’n ruggraat beskou word, en waarskynlik selfs rugwerwels. Daarom word Conodonta as gewerwelde diere geklassifiseer. Hulle het lang lywe gehad met ’n duidelike stertvin agter en tandjies voor.

Klassifikasie

Craniata	Slymprikke  Vertebrata   Hyperoartia   Conodonta  Paraconodontida Proconodontida  Euconodonta Protopanderodontida Panderontida  Prioniodontida  Paracordylodus Balognathidae Prioniodinida Ozarkodinida Heterostraci, Osteostraci en Gnathostomata