Conophytum khamiesbergense
Conophytum khamiesbergense is 'n sukkulent wat deel is van die Aizoaceae familie. Die spesie is endemies aan Suid-Afrika en kom in die Noord-Kaap in Namakwaland voor. Die plant het 'n voorkomsgebied van kleiner as 73 km² en daar is vyf subpopulasies wat bedreig word deur onwettige versamelaars, vertrapping en oorbeweiding deur vee.
| Conophytum khamiesbergense | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Caryophyllales |
| Familie: | Aizoaceae |
| Genus: | Conophytum |
| Spesie: | C. khamiesbergense
|
| Binomiale naam | |
| Conophytum khamiesbergense (L.Bolus) Schwantes, (1950)
| |
| Sinonieme | |
| |
Dis 'n dwergie wat matte of kussings vorm. Die risome wortel meestal met gemak. Vandaar dat liggame maklik skei en opnuut wortel. Die blare is tot 'n buis of sfeer saamgesmelt of soms byna vry. Hulle is ondeursigtig, selde soos 'n venster en onbehaard. Die epidermale selle is plat. Die blomme is pienk tot wit. Die vrugte is lokulêr, klein, broos en word soms stadig ryp. Die plantjie groei op graniet- of gneiskoepels, dikwel saam met mos. [1]