Crécy-en-Ponthieu

Crécy-en-Ponthieu is 'n Franse dorp in die département Somme (région Picardie), noordwes van Amiens, met sowat 1 600 inwoners (1999).

Crécy-en-Ponthieu
Crécy-en-Ponthieu 24-09-2008 11-46-18.JPG
Crécy-en-Ponthieu is in Frankryk
Crécy-en-Ponthieu
Crécy-en-Ponthieu
Koördinate: 50°15′11″N 1°53′02″O / 50.25306°N 1.88389°O / 50.25306; 1.88389Koördinate: 50°15′11″N 1°53′02″O / 50.25306°N 1.88389°O / 50.25306; 1.88389
LandVlag van Frankryk Frankryk
GewesFlag of Picardie.svg Pikardië
DépartementBlason département fr Somme.svg Somme
ArrondissementAbbeville
KantonCrécy-en-Ponthieu
Regering
 • BurgemeesterRégis Lecuyer
Oppervlak
 • Totaal56,55 km2 (21,83 vk. myl)
Hoogte
19–82 m (62–269 ft)
Bevolking
 • Totaal1 517
 • Digtheid27/km2 (70/vk. m.)
Poskode
80150
Skakelkodes80222
Die slag van Crécy

Naby die dorp vind in 1346 een van die groot slagte van die Honderdjarige Oorlog tussen Frankryk en Engeland plaas. Die 12 000 boogskutters en infanteriste van die Engelse koning Eduard III (1327-1377) en sy sestienjarige seun Edward, prins van Wallis (ook genoem die "Swart Ridder" vanweë sy swart wapenrusting), verslaan hier op 26 Augustus 'n Franse leër van 30 000 ridders en soldate onder koning Filips VI. Johan die Blinde van Luxemburg is een van die sowat 4 000 prinse en ridders wat in die slag sneuwel. Die oorwinning stel Eduard III in 1347 in staat om die Noord-Franse stad Calais te verower.

Die Slag van Crécy verwerf minder bekendheid as dié van Azincourt (1415) wat William Shakespeare verwerk en sodoende onsterflik gemaak het. Vir die Franse is dit egter die eerste van 'n hele reeks militêre neerlae in hulle stryd teen Engeland wat nog sowat vyf eeue sou aanhou.

In die militêre geskiedenis het die Slag van Crécy die einde van die tydperk van ridders beteken. Die slag maak duidelik dat groot ridderleërs nou uitgedien raak, en ook die gedrag van die soldate is allesbehalwe ridderlik - dooies en gewondes is op die slagveld agtergelaat.