Cree
- Hierdie artikel handel oor die taal. Vir die etniese groep, sien Cree (volk).
Cree (ᓀᐦᐃᔭᐍᐏᐣ, Nēhiyawēwin) is verreweg die belangrikste inheemse taal in Kanada met 96 260 sprekers volgens die 2016-sensus. Cree word deur die Cree-Indiane gepraat en behoort tot die Algiese tale. Dit is ook die tweede mees gebruikte inheemse taal van die Amerikas noord van Meksiko net ná Navajo in die Verenigde State. Daarbenewens het Cree die grootste verspreidingsgebied van al die inheemse tale van die Amerikas, aangesien dit tussen die Rotsgebergte in die weste en die Atlantiese Oseaan in die ooste gebesig word.
| Cree ᓀᐦᐃᔭᐍᐏᐣ, Nēhiyawēwin | ||
|---|---|---|
| Gepraat in: | .svg){kind=small} Kanada Verenigde State
| |
| Totale sprekers: | 96 260[1] | |
| Taalfamilie: | Algies Algonkin Cree | |
| Skrifstelsel: | Latynse alfabet, Kanadese inheemse lettergrepe (Cree) | |
| Amptelike status | ||
| Amptelike taal in: |  Noordwestelike gebiede
| |
| Gereguleer deur: | geen | |
| Taalkodes | ||
| ISO 639-1: | cr
| |
| ISO 639-2: | cre
| |
| ISO 639-3: | cre
| |
| ||
| Nota: Hierdie bladsy kan IFA fonetiese simbole in Unicode bevat. | ||
Cree is 'n dialekkontinuum van Algonkin-tale wat dwarsdeur Kanada gebesig word, tussen die Noordwestelike gebiede, Alberta en Newfoundland en Labrador.[2] As dit as een taal beskou word, is Cree die inheemse taal met die meeste moedertaalsprekers in Kanada.[3] Die enigste gebied waar Cree amptelike status geniet is die Noordwestelike gebiede, saam met agt ander inheemse tale. Daar word Cree veral rondom Fort Smith en Hay River gebesig.[4]
Verwysings
wysig- ↑ (en) "Language Highlight Tables, 2016 Census – Aboriginal mother tongue, Aboriginal language spoken most often at home and Other Aboriginal language(s) spoken regularly at home for the population excluding institutional residents of Canada, provinces and territories, 2016 Census – 100% Data". Statistiek Kanada. 2 Augustus 2017. Besoek op 22 November 2017.
- ↑ (en) "Education, Culture, and Employment". Regering van die Noordwestelike gebiede. Besoek op 4 Oktober 2017.
- ↑ (en) "2006 Census". Statistiek Kanada. Geargiveer vanaf die oorspronklike op 16 Oktober 2013. Besoek op 16 Oktober 2013.
- ↑ (en) "2016–2017 annual report on official languages" (PDF). Regering van die Noordwestelike gebiede.
Eksterne skakels
wysig
Wikimedia Commons het meer media in die kategorie Cree.- (en) "Cree language". The Canadian Encyclopedia. Besoek op 22 Augustus 2020.
 | Hierdie artikel oor 'n taal, taalgroep of taalfamilie is slegs 'n saadjie. Jy kan help deur dit uit te brei. |