Die Cree (Cree: Néhinaw, Néhiyaw) is 'n inheemse etniese groep wat tussen die Rotsgebergte in die weste en die Atlantiese Oseaan in die ooste bly, waarmee die Cree die grootste verspreidingsgebied van al die inheemse volke van die Amerikas het. Hul huidige gebied lê in die hedendaagse Kanadese provinsies en gebiede Alberta, Saskatchewan, Manitoba, Ontario, Brits-Columbië, Quebec, Newfoundland en Labrador, Noordwestelike gebiede en Nova Scotia, asook die Amerikaanse deelstaat Montana.

Cree

'n Groep Cree in 1913
Totale bevolking: 356 655 (2016-sensus[1])
insluitende Atikamekw en Innu
Belangrike bevolkings  in: Alberta 95 300

Saskatchewan 89 990
Manitoba 66 895
Ontario 36 750
Brits-Columbië 35 885
Quebec 27 245
Montana 3 323
Newfoundland en Labrador 3 255
Noordwestelike gebiede 2 195
Nova Scotia 1 780

Taal: Cree, Engels en Frans
Geloofsoortuiging: Hoofsaaklik Christendom (Anglikanisme, Pentekostalisme of Rooms-Katolieke Kerk)
Verwante etniese groepe: Indiane
Vlag van die Creenasie
Hedendaagse verspreiding van Cree in Kanada

Hulle verwys na hulself as Ayisiniwok en Aha payew – "ware mense" of met die betekenis "die volk" as Iniwak, Iyiniwok, Eenou, Iynu of Eeyou. Later het verskeie groepe na hulleself as Wi Iniwak of Wiyiniwak verwys wat "volk met 'n gemengde herkoms" beteken.[2]

In Kanada bly meer as 350 000 Cree of mense met 'n Cree-herkoms.[3] Die meeste Cree in Kanada bly noord en wes van die Bowemeer, in Ontario, Manitoba, Saskatchewan, Alberta en die Noordwestelike gebiede.[4] Sowat 27 000 Cree bly in Quebec.[5]

In die Verenigde State bly die Cree tradisioneel wes van die Bowemeer. Vandag bly hulle veral in Montana, waar hulle die Rocky Boy Indian Reservation met die Ojibwe (Chippewa) deel.[6]

Die gedokumenteerde migrasie na die weste oor die tyd heen hou sterk verband met hul rolle as handelaars en jagters binne die Noord-Amerikaanse pelshandel.[7]

Verwysings wysig

  1. (en) "2016 Canadian Census". Statistiek Kanada. 21 Junie 2018. Besoek op 28 April 2019.
  2. (en) Cree Glossary
  3. (en) "2016 Canadian Census". Statistiek Kanada. 21 Junie 2018. Besoek op 28 April 2019.
  4. (en) "Cree". The Canadian Encyclopedia (aanlyn). (9 Oktober 2018). Historica Canada. 
  5. (en) "2016 Canada Census". Statistiek Kanada. 21 Junie 2018. Besoek op 28 April 2019.
  6. (en) "Gateway to Aboriginal Heritage". Canadian Museum of Civilization Corporation.
  7. (en) Mackenzie, Alexander (1903). Voyages from Montreal Through the Continent of North America to the Frozen and Pacific Oceans in 1789 and 1793. New York: A. S. Barnes & Company.

Verdere leesstof wysig

  • (en) Boyce Richardson: Strangers devour the Land. A Chronicle of the Assault upon the last coherent Hunting Culture in North America, the Cree Indians of northern Quebec, and their vast primeval homelands. Alfred A. Knopf, New York 1976, ISBN 0-394-49838-0.

Eksterne skakels wysig