Creme Soda
Creme Soda is 'n tipe gaskoeldrank. In Suid-Afrika word dit deur die Coca-Cola maatskappy vervaardig en onder die handelsnaam Spar-letta Creme Soda bemark. Daar is verskillende tipes Creme Soda op die wêreldmark, en in teenstelling met die groen Suid-Afrikaanse weergawe, is Creme Soda ook in 'n verskeidenheid kleure en geure beskikbaar. Die Kanadese, Australiese en Suid-Amerikaanse weergawes is gewoonlik pienk of rooi (dit word soms "red pop" genoem met verwysing na Fanta se Red Cream Soda), en die smaak verskil duidelik van Suid-Afrikaanse Creme Soda. In Nieu-Seelandse winkels word daar gereeld Suid-Afrikaans ingevoerde Creme Soda verkoop, aangesien Creme Soda nie daar geredelik beskikbaar is nie.
