Kleinrooiskeerbek

Die Klein Rooi Skeerbek (Crocidura hirta) is 'n skeerbek wat hoofsaaklik in Zimbabwe, Botswana, sentraal Namibië en Mosambiek voorkom.

Klein Rooi Skeerbek
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Soricomorpha
Familie:	Soricidae
Genus:	Crocidura
Spesie:	C. hirta
Binomiale naam
Crocidura hirta Peters, 1852
Verspreiding

Kleur en voorkoms

Die kleur van die soogdier wissel van grysbruin in die ooste tot bleekbruin in die weste van die gebied waarin hulle voorkom. Die stert is kort en die onderkant is gryswit. Die diertjie word tot 15 cm lank en 16 gram swaar.

Habitat en gewoontes

Hulle maak nes in klam ruigtes en ook in komposhope en kom algemeen voor in voorstedelike tuine. Die diertjie eet insekte en erdwurms. Een tot nege kleintjies word van September tot Mei gebore.

Sien ook

• Lys van Suider-Afrikaanse soogdiere
• Lys van Suider-Afrikaanse soogdiere volgens wetenskaplike name
• Suider-Afrikaanse soogdiere en hul ordes

Bron

• Die Soogdiergids van Suider-Afrika. Burger Cillié. 2009. ISBN 978-1-875093-46-5