Döhne
Döhne is 'n dorpie in die Oos-Kaap langs die N6-hoofweg tussen Stutterheim en Cathcart. Dit lê 8 km noordoos van Stutterheim, 101 km van Oos-Londen en effens meer as 900 m bo seespieël. In 1874 het die spoorlyn vanaf Oos-Londen Döhne bereik. Dit was destyds die naaste stasie aan Stutterheim, maar die spoorlyn is later verlê om wel by Stutterheim verby te gaan.
Döhnepiek, noordwes van Döhne, is in die noordoostelike hoek van die Kologhobos en bereik 'n hoogte van 1433 m. Net buite die dorpie is die Döhne-landbounavoringsinstituut. Die dorpie, spoorweghalte, bergpiek, navorsingsplaas en die Döhne-merino is almal vernoem na eerw. J.L. Döhne.
In die Africana Museum in Johannesburg is 'n potloodskets deur luit. F. Barclay van die destydse Bethel-sendingstasie van eerw. Döhne.
