Da Vinci-brug (Noorweë)
Die Da Vinci Brug is 'n 109,2 m lange spanbrug by Nygårdskrysset in Ås, naby Oslo in die suide van Noorweë wat gebou is volgens 'n ontwerp wat in 1502 deur Leonardo da Vinci gedoen is. Die voetgangerbrug oorkruis die Europese roete E18 wat Noorweë en Swede verbind. Die brug in Noorweë wat deur die kunstenaar Vebjørn Sand ontwerp is vorm deel van die Da Vinci Projek.
Die brug is 'n eietydse implementering van 'n brug wat Da Vinci in 1502 vir die Goue Horing in Istanbul ontwerp het. Da Vinci se oorspronklike ontwerpstekeninge word in die Institut de la Biblioithèque de Paris in Parys bewaar. Die Sultan Bajazet II het nie geglo dat die 240 m lange brug wat Da Vinci uit graniet wou bou voltooi kon word nie. Da Vinci was oortuig van die uitvoerbaarheid van sy ontwerp vir die brug, wat die langste in die wêreld sou wees, dat hy aangebied het om dit self te bou. Die ontwerp, wat uit drie boë wat 'n looplys ondersteun met 'n wye vurk-basis waaroor die brug se gewig versprei is, bestaan is egter eers 300 jaar later aanvaar. In Da Vinci se tyd was dit nie moontlik om te bepaal of die kragte in die brug veilig deur die struktuur na die grond toe oorgedra sou word nie. Die brug kon eers 500 jaar later gebou word toe rekenaar simulasies wat van die Eindige Deeltjie Analise tegniek gebruik maak gebruik kon werk om die ontwerp met die nodige verstelling te implementeer. Die Noorweegse Openbare Paaie Administrasie het 'n beleid waarvolgens kuns in openbare plekke bevorder word. Volgens die beleid speel estetiese oorwegings 'n belangrike rol by die ontwerp van alledaagse strukture soos verkeersirkels en brûe. Die administrasie het dus onmiddellik die historiese en kuns waarde van die projek besef toe Sand dit in 1996 aan hulle voorstel.
Die brug is volgens 'n Noorweegse tegniek gebou wat aanvanklik ontwikkel is vir die dakstruktuur van die skaatsbaan vir die 1994 Winter Olimpiese spele in Lillehammer. Die brug se grasieuse boë is volgens 'n laminering tegniek met plaaslike Noorse sparhout gebou. Die brug is op 31 Oktober 2001 vir voetganger- en fietsverkeer geopen.
Vebjørn Sand beoog dat 'n Leonardo brug op al die kontinente van die wêreld gebou moet word. Daar is tans planne vir die bou van 'n Da Vinci Brug wat uit klip gebou gaan word in die VSA
Eksterne skakels
wysig- http://www.leonardobridgeproject.org/ Leonardo Brug projek tuisblad
- The bridges of tomorrow: A choice before us op Making the modern world
- Leonardo bridge opens 500 years late op BBC News
- Die skilderye en publieke kuns van Vebjørn Sand
- Inskrywing op structurae
