Deksametasoon
|
|
Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie. Enige vrae of klagtes oor u persoonlike gesondheid behoort na 'n dokter verwys te word. |
| Deksametasoon | |
|---|---|
|
|
| Chemie | |
| Chemiese formule | C22H29FO5 |
| Molêre massa | 392.461 g/mol |
| CAS registernommer | 50-02-2 |
| Farmakokinetika | |
| Roete van toediening | mondelings, IM- , IV- , SC- en IO-inspuiting |
| Biobeskikbaarheid | 80-90% |
| Proteïengebonde | 77% |
| Metabolisme | lewer |
| Eliminasie-halfleeftyd | 190 minute |
| Uitskeidingsroete | urien (65%) |
Deksametasoon is 'n kragtige sintetiese lid in die klas van glukokortikosteroïed geneesmiddels met anti-inflammatoriese en immuunonderdrukkende effekte. Dit is 25 keer meer potent as kortisol in sy glukokortikoïed effek, maar met 'n minimale mineraalkortikoied effek.
Dit is op die WGO se lys van noodsaaklike medisyne, 'n lys van die belangrikste medikasie wat nodig is in enige basiese gesondheidsisteem. [1]
Deksametasoon word gebruik om verskeie inflammatoriese en outo-immuuntoestande soos rumatoïede artritis en brongospasme te behandel. [2]
Dit word ook in klein hoeveelhede voor of na sommige tandheelkundige chirurgie toegedien,[3] soos by die trek van verstandtande, 'n operasie wat die pasiënt dikwels met opgeswelde wange laat.
Dit kan ingespuit word in die hak van die voet vir die behandeling van soolvratte, soms in samewerking met triamsinoloon asetonied.
Dit is nuttig om allergiese anafilaktiese skok teen te werk, indien in hoog genoeg dosisse toegedien.
Dit is teenwoordig in sekere oogdruppels - veral gebruik ná oogchirurgie. Ook beskikbaar as 'n neussproei en in sekere oor-druppels (bv. in Sofradex ®, 'n gekombinasie van 'n antibiotikum en 'n antifungusmiddel).
Verwysings
wysig- ↑ "WHO Model List of Essential Medicines" (PDF). World Health Organization. Oktober 2013. Besoek op 22 April 2014.
- ↑ Till, John. "Paramedic Clinical Training Aid". Geargiveer vanaf die oorspronklike op 31 Maart 2012. Besoek op 30 Augustus 2011.
- ↑ Schmelzeisen R; Frölich Janice C. (1993). "Prevention of postoperative swelling and pain by dexamethasone after operative removal of impacted third molar teeth". Eur. J. Clin. Pharmacol. 44 (3): 275–7. doi:10.1007/BF00271371. PMID 8491244.
| Hierdie artikel is in sy geheel of gedeeltelik vanuit die Engelse Wikipedia vertaal. |
