Demokratiese Party (Italië)

Die Demokratiese Party (Partito Democratico, PD) is 'n sosiaal-demokratiese politieke party in Italië wat op 14 Oktober 2007 gestig is. Die amp van partysekretaris (voorsitter) word tans deur Nicola Zingaretti beklee wat in Maart 2019 verkies is, terwyl Paolo Gentiloni as president fungeer.

Partito Democratico
PD
Leier	Nicola Zingaretti
Gestig	14 Oktober 2007
Hoofkwartier	Via Sant'Andrea delle Fratte 16 00187, Rome
Ideologie	Sosiale Demokrasie, Progressivisme, Hervorming, Europeïsme Interne strominge: Omgewingsbewustheid, Sosiale Christendom, Sosiale liberalisme, Demokratiese sosialisme, Liberale sosialisme
Amptelike kleure	Rooi
Webblad	www.partitodemocratico.it

Die PD het sy wortels in sosiaal-demokratiese, Christelik-sosiale en linksliberale tradisies en word by die senter-linkse en Europa-vriendelike spektrum van politieke partye gereken. Op Europese vlak is die PD 'n lid van die Sosiaal-emokratiese Party van Europa (SPE) en het op internasionale vlak by die Progressiewe Alliansie aangesluit, 'n netwerk van 113 sosiaal-demokratiese, sosialistiese en progressiewe partye.

Nadat Matteo Salvini 'n einde aan die koalisie tussen Lega Nord en die Movimento5Stelle (M5S, «Vyfsterbeweging») gebring het, het die PD en M5S in September 2019 'n nuwe regering onder leiding van die eerste minister Giuseppe Conte gevorm.

Geskiedenis

Die PD is op 14 Oktober 2007 deur die samesmelting van 'n groep partye uit die senter-linkse politieke spektrum gestig wat in die algemene verkiesing van 2006 almal as deel van die Olyfboom-lys (L'Ulivo) en die Unie-koalisie opgetree het, waaronder die sosiaal-demokratiese Linksdemokrate (Democratici di Sinistra, DS) en die party Democrazia è Libertà - La Margherita (DL); asook enkele politici soos die streekspresident van die Abbruzze, Ottaviano Del Turco (voorheen lid van die Alleanza die Riformisti), die onafhanklike joernalis Gad Lerner, die stigter van die Slow Food-beweging Carlo Petrini en Tullia Zevi as lid van die Unie van Joodse Gemeentes in Italië. Daarnaas het 'n aantal politieke groeperings soos die Movimento Repubblicani Europei, die Partito Democratico Meridionale, die Progetto Sardegna, die Socialisti Liberali per il Partito Democratico, en die Repubblicani Democratici by die nuwe party aangesluit.

Eksterne skakels

• Wikimedia Commons het meer media in die kategorie Demokratiese Party (Italië).
• (it) partitodemocratico.it - Die party se amptelike webwerf

Literatuur

---

• (de) Friedrich-Ebert-Stiftung - Luca Argenta: Die europapolitischen Positionen der Partito DEmocratico in Italien (Februarie 2018)

PD-verenigings in die buiteland

---

• PD Germania Geargiveer 6 Oktober 2019 op Wayback Machine