Diana, Prinses van Wallis
Diana, Prinses van Wallis (Diana Frances Mountbatten-Windsor,[1] gebore Spencer; 1 Julie 1961 — 31 Augustus 1997) was die eerste vrou van Sy Koninklike Majesteit, koning Charles III. Twee seuns is uit die koninklike huwelik gebore, nl. William en Harry.[2] Sedert haar huwelik in 1981 tot en met haar egskeiding in 1996 het sy as Haar Koninklike Hoogheid die Prinses van Wallis bekend gestaan. Sy was algemeen in die media as prinses Diana bekend, ten spyte daarvan dat sy geen aanspraak op dié titel gehad het nie, synde dit net vir 'n prinses deur geboortereg gereserveer is.
| Diana | |
|---|---|
| Prinses van Wallis, Hertogin van Rothesay | |
.jpg) Diana, Prinses van Wallis in 1997
| |
| Volle naam | Diana Frances Spencer |
| Eggenoot | Charles, Prins van Wallis |
| Kinders | William en Harry |
| Titels | Diana, Prinses van Wallis HKH die Prinses van Wallis Lady Diana Spencer |
| Huis | Windsor |
| Vader | John Spencer, 8ste graaf Spencer |
| Moeder | Frances Burke Roche |
| Gebore | 1 Julie 1961; Park House, Sandringham, Norfolk |
| Oorlede | 31 Augustus 1997 (op 36); Pitié-Salpêtrière Hospitaal, Parys, Frankryk |
| Handtekening | 
|
Sy was beroemd vir haar inspirerende liefdadigheidswerk, maar ook vir die skandale wat haar huwelik geteister het. Haar bittere aantuigings van ontrouheid en wreedheid teenoor haar man het in die 1990's baie media-aandag geniet. Baie biografieë, tydskrifartikels en TV-dramas het gevolg.
Sedert haar verlowing aan die destydse prins Charles in 1981 tot met haar dood in 'n motorongeluk in 1997, was prinses Diana waarskynlik die beroemdste vrou ter wêreld. Sy was 'n mode-ikoon, 'n ideale voorbeeld van vroulike skoonheid, bewonder en nageboots vir haar hoëprofielbetrokkenheid by vigs-aangeleenthede. In die laaste jaar voor haar dood was sy ook baie betrokke by die Internasionale beweging teen landmyne, 'n poging wat tot 'n Nobelprys vir Vrede in 1997, na haar dood gelei het.[3]
Gedurende haar leeftyd is daar gereeld na haar as die mees gefotografeerde persoon ter wêreld verwys. Vir haar bewonderaars was Diana 'n rolmodel en na haar dood was daar selfs voorstelle om haar tot sint Diana te verhef. Ander verwys egter na haar lewe as 'n waarskuwing dat 'n obsessie met roem en publisiteit 'n mens uiteindelik kan vernietig.
-
Diana se wapen voordat sy getrou het -
Diana se wapen, 1981—1996 -
Diana se wapen, 1996—1997
.svg)
.svg)
Biografie
wysigDiana was die jongste dogter van Frances Ruth Burke-Roche (dogter van die vierde Baron Fermoy) en John Spencer, agtste graaf Spencer, waardeur Diana van baie konings van Engeland afstam. Sy was ook 'n afstammeling van die Vlaamse handelaar Samuel Godin. Diana het twee susters gehad, Sarah en Jane, en 'n broer, Charles.
Na die dood van haar oupa aan vaderskant, die sewende graaf Spencer in 1975, het John Spencer die agtste graaf Spencer geword en sy dogter het die titel 'Lady Diana Spencer' gekry, dikwels verkort tot 'Lady Di'. Sy is in Norfolk en by 'n kosskool in Kent opgevoed en is as 'n gemiddelde leerling beskou. Toe sy 16 was, het sy vir die laaste jaar van haar opleiding by die Institut Alpin Videmanette, in Rougemont, Switserland, ingeskryf.
Prinses van Wallis
wysigIn 1980, toe sy 19 jaar oud was, is sy opgemerk deur die Prins van Wallis, Prins Charles, wat haar na 'n polo-wedstryd genooi het. 'n Romanse het begin en die egpaar het op 24 Februarie 1981 verloof geraak. Hulle is op 29 Julie dieselfde jaar te midde van groot openbare belangstelling by St Paul's Cathedral in Londen getroud.
Die nuwe prinses het uiters gewild geword en was baie geliefd. Sy het die beskermvrou van baie projekte geword en in hierdie tydperk het haar klereversameling gegroei, wat later vir liefdadigheid opgeveil sou word.
Diana het twee kinders gehad: prins William (1982) en prins Harry (1984). Albei kinders is met die nodige sorg grootgemaak en die prinses het self gewaak oor die kwaliteit van hul opvoeding.
Egskeiding
wysigDie huwelik het in die vroeë 1990's verbrokkel; hierdie egskeiding is wyd in die Britse en internasionale pers berig en het die Britse hof in die verleentheid gestel. In 'n onderhoud het die prinses gesê dat haar man haar voor die huwelik met Camilla Parker Bowles verneuk het. Die prins het Camilla lank voor sy troue geken. Prins Charles het op hul wittebrood manchetknope gedra met Camilla Parker Bowles se voorletters daarop gegraveer.
Die egpaar het in 1992 besluit om uitmekaar te gaan, hoewel die egskeiding eers in 1996 afgehandel is. Talle Britte het ’n beskuldigende vinger na die prins en sy gevolg gewys.
Die prinses het haar Royal Highness-benaming verloor en aan die Britse hof onttrek.
Verbintenis tot liefdadigheidsorganisasies
wysigIn die laat 1980's het sy prominent geword vir haar liefdadigheidsondersteuning. Sy was instrumenteel in veldtogte teen die gebruik van landmyne en om die stigma rondom vigs te verminder. In 1995 het sy die Filantroop van die Jaar-toekenning ontvang.
Verwysings
wysig- ↑ As 'n koninklike het Diana geen van gehad nie, maar, indien een gebruik was, was dit Mountbatten-Windsor
- ↑ Prins Harry se amptelike webruimte Geargiveer 19 April 2011 op Wayback Machine, Princeofwales.gov.uk, 11 Februarie 2010, URL besoek op 3 Junie 2010
- ↑ "CNN – The 1997 Nobel Prizes" (in Engels). CNN. Geargiveer vanaf die oorspronklike op 5 Maart 2016. Besoek op 12 Maart 2010.
Eksterne skakels
wysig
Wikimedia Commons het meer media in die kategorie Diana, Prinses van Wallis.
