Diane Victor

Diane Victor (gebore 1964 in Witbank, Suid-Afrika) is een van die jonger generasie Suid-Afrikaanse kunstenaars wat internasionaal opgang maak. Victor het 'n BA (Skone Kunste) graad aan die Universiteit van die Witwatersrand in 1986 verwerf.

Diane Victor
Diane Victor besig met 'n rookskets
Gebore	1964 Witbank
Nasionaliteit	Suid-Afrika
Beroep	Kunstenaar

Victor is 'n kunstenaar wat tot die Goodman Galery geaffilieer is.

Uitstallings

Victor was in 2008 die feeskunstenaar by die Aardklop kunstefees in Potchefstroom. Sy was daarna weer feeskunstenaar in 2011 by Innibos in Nelspruit en in 2013 die feeskunstenaar op die KKNK in Oudtshoorn met die uitstalling "No Country for old women".

Toekennings

• Algehele wenner Sasol New Signatures (1986)
• Algehele wenner Volkskas L'Atelier (1988)
• Gedeelde tweede plek, Kemptonpark kunskompetisie (1997)
• Goue medalje vir visuele kuns, Suid-Afrikaanse Akademie vir Wetenskap en Kuns (2005)
• Finalis Sasol Wax (2006).