Die Bybels Gereformeerde Kerk
Die Bybels Gereformeerde Kerk is ’n gemeente van die Gereformeerde Kerke in Suid-Afrika wat in 1998 ontstaan het uit die samesmelting van twee oorwegend bruin gemeentes, te wete Reigerpark en Eldoradopark. Dit staan ook bekend as The Biblical Reformed Church en het ná die samesmelting albei voormalige gemeentes se lokaal vir eredienste behou.
| Die Bybels Gereformeerde Kerk | ||
| ||
| Sluit in | Oos-Rand Wes-Rand Suide van Johannesburg | |
| Klassis | Groter Johannesburg | |
| Huidige predikant(e) | Vakant | |
| Belydende lidmate | 187 | |
| Dooplidmate | 126 | |
| Adres | (1) H.v. Dartmoorlaan en Ascotweg Eldoradopark Uitbreiding 7 (2) H.v. Erica- en Sweetpeastraat Reigerpark (3) H.v. Jukskeistraat en Taaiboslaan Riverlea Uitbreiding 1 | |
| Geskiedenis | ||
| Stigtingsdatum | 1998 | |
| Eerste predikant | Dr. J.J.L. Hope (1998–2008) | |
Die gemeente sluit voorstede soos Delmore Gardens, Geluksdal en Windmill Park aan die Oos-Rand in en Florida, Horseshoe en Riverlea aan die Wes-Rand. In die suide van Johannesburg omvat dit gebiede soos Ennerdale, Kliptown, Klipspruit-Wes en Meredale. Dis deel van die Klassis Groter Johannesburg. Einde 2015 het die belydende lidmate 187 en die dooplidmate 126 getel. In daardie jaar was die gemeente vakant.
Bronne wysig
- (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
- (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
- (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.