Die Tuindwergies
Die Tuindwergies is 'n Suid-Afrikaanse musiekgroep wat bestaan uit Pieter de Jager (sang en akoestiese kitaar), Dawie de Jager (baskitaar), Emile Swiegers (leidkitaar en agtergrondsang), en Jean Swiegers (tromme). Naas van Jaarsveld is 'n voormalige lid. Hulle wen die MK-toekenning vir beste nuweling in 2011.
Die Tuindwergies | |
|---|---|
| Genres | Country, folk, rock |
| Lede | Pieter de Jager (sang en akoestiese kitaar) Dawie de Jager (baskitaar) Emile Swiegers (leidkitaar en agtergrondsang) Jean Swiegers (tromme) |
| Gewese lede | Naas van Jaarsveld |
Tuis gekweek EP (2009)
wysigTuis gekweek is 'n kortspeler en word in 2009 vrygestel. Die snit "Kopskudkinders" bereik nommer-1 op Tuks FM se Top 30 en op Jacaranda FM se Top 10.
Terwyl die donker wolke dans (2012)
wysigDie Tuindwergies se tweede vollengte-ateljeealbum, Terwyl die donker wolke dans, word in 2012 uitgereik en dra invloede van country, folk, en rock. Die lirieke is deur Emile Swiegers en Pieter de Jager geskryf.
Die albumtitel is 'n liriek uit die eerste snit op die album, "Golwe / Terwyl die donker wolke dans", wat oor klimaatverandering gaan.[1] Hierdie snit word dan ook die eerste enkelspeler wat uit die album voortspruit.
Francois van Coke tree as gaskunstenaar op die koor van "Paar stappe voor" op.
"Meisie sonder sokkies" is 'n cover van die oorspronklike deur David Kramer.
Diskografie
wysigVollengte-ateljeealbums
wysig- 2010: Die Tuindwergies
- 2012: Terwyl die donker wolke dans
Kortspelers
wysig- 2009: Tuis gekweek EP
Verwysings
wysig- ↑ "Die Tuindwergies steek grense oor". Rooi Rose. 9 Julie 2012. Geargiveer vanaf die oorspronklike op 10 November 2018. Besoek op 10 November 2018.
Bronne
wysig- Cloete, Henry (2 Augustus 2012). Die Tuindwergies: "Dit was 'n organiese proses ...". LitNet. URL besoek op 10 November 2018.
- Die Tuindwergies on tour. Channel24 (19 Junie 2012). URL besoek op 10 November 2018.