Dieprivier (Die Vleie)

Die Dieprivier in die landstreek bekend as Die Vleie ontspring op die suidelike hellings van die Outeniekwaberge.

Hierdie rivier begin by die historiese Duiwelskop, net suid van die plaas Schoongelegen (Louvain) in die Langkloof. Daarna gaan dit verby die destydse bosboustasies Kleinplaat en Bergplaas. Noemenswaardige sytakke is die Kleinplaatrivier, Vanrooyenskraalrivier en die Eersterivier. Dit kruis die Sewepassepad net suidwes van Beervlei, die beginpunt van die Outeniqua-voetslaanpad. Stroomaf verander die rivier se naam in die Wolwerivier en vloei daarna in die Swartvlei op die vlei se mees westelike punt.

Let Wel: Hierdie rivier moet nie verwar word met die nabygeleë Dieprivier (Langkloof) nie.