Sewepassepad

Die Sewepassepad is die eerste pad wat tussen George en Knysna gebou was in die Wes-Kaap, Suid-Afrika. Die pad is deur Thomas Bain gebou en is in 1883 voltooi. Die pad is net suid van die Outeniekwaberge.

Sewepasse

Die sewe passe in volgorde vanaf George tot by Knysna is:

Die brug oor die Silwerrivier

Geskiedenis

Die eerste pas wat voltooi is was die Phantompas in 1862. Die pas is vernoem na die spookmotte wat in die omgewing voorkom. Die pas is in 1882 oorgebou. Gedurende 1863 het Bain die roete tussen George en Knysna uitgelê, 'n afstand van 75 km. Die pad het Kaaimansrivier teen 1869 bereik en Woodville eers teen 1871. Woodville is 26 km vanaf George. Die ontdekking van goud by Karatara het veroorsaak dat die daar van die beplande roete afgewyk is en die pad is verder noord gebou by die Homtinirivier verby. Die Homtinipas is gedurende 1882 voltooi en die pad is amptelik geopen gedurende 1883.^[1]^[2]

Teenswoordig

Die Sewepassepad is 'n toerisme aantreklikheid en baie gewild onder die bergfietsryers. Daar is verskeie besienswaardighede langs die pad soos bv. die ou goudvelde by Millwood. Die bestaande N2 nasionale pad het die Sewepassepad vervang.

Let Wel

Die Kaaimansrivierpas tussen George en Wildernis is deel van die N2-nasionale pad en dus in werklikheid nie deel van die Sewepassepad nie.

33°56′48″S 22°36′46″O / 33.94653°S 22.61277°O / -33.94653; 22.61277

Verwysings

↑ Passes & Poorts. Getaway. Marion Whitehead. 2010. ISBN 978-1-77009-805-3
↑ Op Pad in Suid-Afrika. 1995. B.P.J. Erasmus. ISBN 1-86842-026-4

Bibliografie

samountainpasses.co.za

[1] Passes & Poorts. Getaway. Marion Whitehead. 2010. ISBN 978-1-77009-805-3

[2] Op Pad in Suid-Afrika. 1995. B.P.J. Erasmus. ISBN 1-86842-026-4

[1]

[2]