Kaaimansrivier

Die Kaaimansrivier mond net wes van Wildernis (in die Suid-Kaap) in die Indiese Oseaan uit.

Kaaimansrivier - Kaaimans River
Die gety stoot in die monding van die Kaaimansrivier op. Die gety stoot in die monding van die Kaaimansrivier op.
Oorsprong	Outeniekwaberge (Suid-Afrika)
Monding	Wildernis Indiese Oseaan
Stroomgebied	Suid-Afrika
Mondinghoogte	0 m

'n Ossewa steek die Kaaimansrivier in die laat 19de eeu oor.

Kaart van Afrika verskynsel in die Kaaimansrivier

N2 nasionale pad kruis die Kaaimansrivier

Die rivier ontspring oos van Tierkop en noord van Saasveld in die Outeniquaberge. Sy enigste beduidende sytak in die boloop, die Silwerrivier, kom van oos en sluit net suid van die Sewepassepad by die Kaaimans aan. Tussen Saasveld en Ginnesville op die Sewepassepad is twee ou brûe wat oor die Kaaimans- en Silwerriviere gaan. Die brug oor die Silwerrivier dateer uit 1869 en is 89m bo seevlak. By Kaaimansgat sluit die Swartrivier van noordwes by die Kaaimans aan. Die Swartrivier se vernaamste sytakke is die Kat- en die Modderriviere. Op die punt waar die Katrivier van wes aansluit, lê die Tuinroetedam in die oostelike stadsgebied van George. Die Swartrivier ontspring aan die westekant van Tierkop in die Outenwiquaberge. Net voor die samevloeiing met die Swartrivier neem die Kaaimans se loop die vorm aan van die buitelyn van Afrika. Die punt staan bekend as die Kaart van Afrika en kan vanaf Wildernishoogte goed gesien word.

Bronne

• Garden Route. Map Studio. 1st Edition. ISBN 1-86809-761-7
• Op Pad in Suid-Afrika. B.P.J. Erasmus. 1995. ISBN 1-86842-026-4