Swartrivier (George)

Die Swartrivier is in die Outeniekwaberge in die Tuinroete.

Swartrivier
Stroomgebied	Wes-Kaap, Suid-Afrika
Oorsprong	Cradockpiek en Georgepiek Outeniekwaberge
Monding	Kaaimansgat, Suid-Afrika Indiese Oseaan
Oorsprong-hoogte	22 m
Monding-hoogte	0 m
Swartrivier
Koördinate: 33°59′45.46″S 22°33′16.52″O

Hierdie rivier ontspring op die suidelike hellings van Cradockpiek en Georgepiek. Sy belangrikste sytak is die Katrivier. By Kaaimansgat sluit dit by die Kaaimansrivier aan en hulle vloei die laaste paar honderd meter saam na die see. Net voor Kaaimansgat was daar voorheen in die Swartrivier 'n waterval, maar dit het deur padbouwerke verdwyn. In die rivier is die Tuinroetedam. Hoër op in die rivier is die ou Swartrivierdam met 'n volume van 720 miljoen liter.

Ander beduidende riviere in die direkte omgewing van George is die Groot-Brakrivier, Maalgatenrivier, Gwayangrivier, Norgarivier, Silwerrivier, Touwrivier, Dieprivier, Duiwerivier, Varingrivier, Wolwerivier en die Hoogekraalrivier. Aan die noordekant van die berge is die Moerasrivier en die Kammanassierivier.