Kammanassierivier

Die Kammanassierivier in die Langkloof is 'n belangrike boloop van die Gouritsrivier.

Kammanassierivier
Stroomgebied	Wes-Kaap, Suid-Afrika
Oorsprong	noordwestelike punt van die Kougaberge
Monding	2 km oos van Oudtshoorn, Wes-Kaap Olifantsrivier
Oorsprong-hoogte	1 200 m
Monding-hoogte	293 m
Kammanassierivier
Koördinate: 33°37′20.82″S 22°14′8.74″O

Hierdie rivier ontspring op 1200 m bo seespieël op die noordwestelike punt van die Kougaberge by omtrent 33° 37ˈ suid en 23° 13ˈ oos. Dit is 16 km oos van Uniondale, noordnoordoos van Avontuur en by die waterskeiding tussen die bekken van die Gouritsrivier en die Kougarivier ('n boloop van die Gamtoosrivier).

Die rivier is 120 km lank, vloei weswaarts tussen die Kammanassieberge en die Outeniquaberge, deur Uniondale en die Kammanassiedam en sluit 2 km oos van Oudtshoorn by die Olifantsrivier aan. Die Brakrivier, Dieprivier en Potjiesrivier (by die Potjiesberg op die N9-hoofpad) is die belangrikste sytakke. Saam met al die sytakke het die rivier 'n opvanggebied van nagenoeg 'n 1630 km². In die berge is die neerslag meer as 1000 mm per jaar.

Sytakke

• Brakrivier
• Dieprivier (Langkloof)
• Kleinrivier
• Kluesrivier
• Potjiesrivier
• Vinkrivier

Bibliografie

• Standard Encyclopaedia of Southern Africa, deel 6. Kaapstad: Nasou, 1972. ISBN 0-625-00322-5