Die Gamtoosrivier is 'n rivier wat in die Oos-Kaap, Suid-Afrika vloei. Dit ontspring in die Sneeuberge bekend as die Kariegarivier. Naby die kruising met die N9 nasionale pad vloei die Kariegarivier in die Beervleidam in. 'n Ander sytak, die Soutrivier, vloei ook in die dam in. Hiervandaan staan die rivier bekend as die Grootrivier en waar dit met die Kougarivier, 'n sytak, saamvloei word dit die Gamtoosrivier. Nou vloei die rivier deur die Gamtoosriviervallei op sy laaste tog van 50 km na die see om uit te mond naby Humansdorp in die Indiese Oseaan; die plek staan bekend as Gamtoosmond. Die rivier is bykans 500 km lank. (Hierdie Grootrivier moet nie verwar word met die Grootrivier wat 'n sytak is van die Gouritsrivier nie).

Gamtoosrivier
Die Gamtoos vloei eers onderdeur die R102 en dan die N2-pad
Die Gamtoos vloei eers onderdeur die R102 en dan die N2-pad
Oorsprong Sneeuberge, Oos-Kaap
Monding Indiese Oseaan
Stroomgebied Oos-Kaap, Suid-Afrika
Lengte 500 km
Monding-hoogte 2 m
Ligging van Gamtoosrivier op 'n kaart (Oos-Kaap)
Gamtoosrivier
Gamtoosrivier
Koördinate: 33°57′46″S 25°1′20″O / 33.96278°S 25.02222°O / -33.96278; 25.02222Koördinate: 33°57′46″S 25°1′20″O / 33.96278°S 25.02222°O / -33.96278; 25.02222
Die R102-brug oor die Gamtoosrivier is in 1895 gebou.[1]

Die Gamtoosvallei word intensief besproei. Die rivier vloei verby Steytlerville as die Grootrivier en by Patensie en Hankey as die Gamtoos. Die Kougadam is in die Kougarivier geleë.[2][3]

VerwysingsWysig

  1. Sellick, W.S.J. (1904). Uitenhage, past and present : souvenir of the Centenary, 1804-1904. pp. 186, 187.
  2. Op Pad in Suid-Afrika. B.P.J. Erasmus. 1995. ISBN 1-86842-026-4
  3. Ensiklopedie van Suidelike Afrika. Eric Rosenthal. 1967.