Die N9 is een van die nasionale paaie in Suid-Afrika. Die pad verbind George, Wes-Kaap met Colesberg. Die N9 loop min of meer noordoos/suidwes afhangend in watter rigting gereis word. [1]

Nasionale roete N9 shield

Nasionale roete N9
Roete-inligting
Onderhou deur SANRAL
Lengte517 km (321 mi)
Belangrike aansluitings
Suidwespunt N2 naby George
  N12 naby George
N10 naby Middelburg
Noordoospunt N1 by Colesberg
Ligging
StedeGeorge
DorpeGraaff-Reinet
Middelburg
Colesberg
Snelwegstelsel
Genommerde roetes in Suid-Afrika
N8N10
Die N9 tussen George en Oudtshoorn.

Begin van N9 Nasionale pad: Klein KarooWysig

Gesien van George begin die N9 as ’n afdraai uit die N12 net na die Outeniekwapas. Vir die eerste 70 km hou die pad oos alvorens dit noordoos draai, verby die Kammanassieberge aan die linkerkant, oor die Potjiebergpas gaan en as ’n verbypad verby Uniondale gaan. Die pad gaan verder en net voor Gwarriepoort word die Oos-Kaap betree, dan volg Buyspoort. Ongeveer 10 km voor Willowmore draai die R332 provinsiale pad, wat deur die Baviaanskloof gaan, af. Die pad is weereens ’n verbypad by Willowmore. Vir die volgende 19 km kronkel die pad deur Perdepoort, gaan onderdeur die Beervleidam verby, dus oor die Gamtoosrivier en betree die Groot Karoo.

Groot KarooWysig

In die Groot-Karoo is die volgende 70 km lank en reguit alvorens die pad weer as ’n verbypad om Aberdeen gaan. Die volgende 55 km na Graaf-Reinet is plat en reguit. Die N9 gaan deur Graaf-Reinet en die Kamdeboo Nasionale Park. Hier kan die reisiger gerus stop; die dorp bied vele besienswaardighede met ’n lang geskiedenis. Tegnies is die reisiger nou in die Kamdeboo.

Noord van Graaf-ReinetWysig

Die pad hou noordoos, en klim geleidelik. Na ongeveer 30 km gaan die pad deur Naudebergpas en dan deur die Lootsbergpas in die Sneeuberge. Laasgenoemde pas is berug vir die feit dat dit gereeld in die winter toesneeu. Net voor die N9 Middelburg bereik, sluit die N10 by die N9 aan. Dan is die reisiger by Middelburg; weereens ’n verbypad.

Middelburg en verderWysig

Agtien kilometer na Middelburg skei die N10 en die N9 – net voor Carlton Hoogtes. Die N10 gaan noordwes en die N9 hou noordwaarts en gaan die Noord-Kaap binne. Nog 18 km verder en die N9 hou verby Noupoort en sluit 55 km later by die N1 aan. Dit gebeur ongeveer 1 km voor Colesberg. Die N9 het nou sy einde bereik.

Spook van UniondaleWysig

Die pad is bekend vir die legende van die Uniondale-spook. ’n Jong verloofde meisie, Marie Charlotte Roux is op die Paassondag van 1968 in ’n motorongeluk 20 km buite Uniondale oorlede. Verskeie bestuurders het haar vanaf 1973 langs die pad sien ryloop en haar ’n saamrygeleentheid aangebied. Na ’n paar kilometer het sy skril gelag en dan skielik uit die voertuig verdwyn.[2]

Sien ookWysig

VerwysingsWysig

  1. (en) Falkner, John (Mei 2012). Suid-Afrikaanse genommerde roetebeskrywing en bestemmingsontleding (Report). Nasionale Departement van Vervoer. Archived from the original on 6 Junie 2014. https://web.archive.org/web/20140606100245/http://www.transport.gov.za/LinkClick.aspx?fileticket=5qOHvOI4KuY%3d. Besoek op 1 September 2014. 
  2. Jan Harold Brunvand (26 November 2002). Encyclopedia of urban legends. W. W. Norton & Company. pp. 402–. ISBN 978-0-393-32358-0. Besoek op 5 April 2011.

Eksterne skakelsWysig