Kamdeboo- Nasionale Park

Die Kamdeboo- Nasionale Park is geleë rondom die dorp Graaff-Reinet in die Kamdebooarea van die Oos-Kaapprovinsie. Die park is eers in 2005 geproklameer en beslaan 20 000 hektaar. Die mees unieke punt in die park, wat meestal uit Karooekosisteem bestaan, is die Vallei van Verlatenheid, 'n unieke klompie dolomietpilare wat 90 tot 120 meter hoog staan. Die voet van die Sneeuberge en die Nqweba-dam van 1 000 hektaar is in die Kamdeboo Nasionale Park geleë. Die Sondagsrivier voed dié dam. Die bekende Spandaukop (1 316 m) is ook in die park geleë. Die hoogste punt in die park is 1 565 m bo seevlak.

Kamdeboo- Nasionale Park
Land	Suid-Afrika
Provinsie	Oos-Kaap
Naaste dorp	Graaff-Reinet
Kamdeboo- Nasionale Park
Koördinate: 32°15′0″S 24°30′0″O
Oppervlak	20 000 ha
Openingsjaar	2005
Bestuursliggaam	SANParke
Webblad	Kamdeboo- Nasionale Park

Uitsig oor die Vallei van Verlatenheid in die Kamdeboo- Nasionale Park.

Die naam Kamdeboo is 'n Khoikhoi-woord wat beteken groen hoogtes of groen holte.

Wildlewe

'n Aantal wildsoorte word in die park aangetref, insluitend:

• 
  Buffel
• 
  Blesbok
• 
  Gemsbok
• 
  Rooihartbeeste
• 
  Bergkwaggas
• 
  Koedoe
• 
  Swartwildebees
• 
  Springbok
• 
  Steenbok
• 
  Klipspringer
• 
  Rooikat
• 
  Rooijakkals
• 
  Bakoorvos
• 
  Meerkat
• 
  Waaierstertmeerkat of grondeekhoring.

Ongeveer 250 voëlspesies en 10 visspesies kom ook hier voor; onder andere die Vleikurper, Grootbekbaars en Karp.

Plantlewe

Daar kom verskeie bome in die park voor. Die soetdoring is baie prominent, veral naby die dam.

• 
  Bitteraalwyn
• 
  Doppruim
• 
  Hoëveldkiepersol
• 
  Soetdoring
• 
  Spekboom

Akkommodasie

• Nqweba kampterrein
• Lakeview tentkamp
• Gastehuise, hotelle en 'n karavaanpark in die dorp

Algemeen

Die N9 nasionale pad loop deur die park. Daar word beplan om in die toekoms die Kamdeboo- Nasionale Park met die Nasionale Bergkwaggapark te verbind, wat 'n bewaringsgebied van 520,000 ha in die Karoo sal vestig.

Bron

• Stuart, Chris & Mathilde (2012). National Parks and Nature Reserves. Kaapstad: Struik Travel and Heritage. ISBN 978-1-77007-742-3.