Bitteraalwyn

Die Bitteraalwyn (Aloe ferox) is 'n struik wat deel is van die aalwynfamilie en word aangetref in Lesotho, die Oos-Kaap, Vrystaat en die Wes-Kaap. Die plant blom vanaf Mei tot September. Die struik is 'n stadige groeier met 'n enkelstam en dik, doringrige, vlesige blare en buisvormige, oranjerooi blomme. Dit is 'n uitstekende struik vir die rotstuin en verkies vol son en matige water. Die sap van die blare word vir medisyne en skoonheidsprodukte gebruik.

Bitteraalwyn
Bewaringstatus
Veilig (IUCN 3.1)
Wetenskaplike klassifikasie
Koninkryk:	Plantae
Subkoninkryk:	Tracheobionta
Divisie:	Magnoliophyta
Klas:	Liliopsida
Subklas:	Liliidae
Orde:	Asparagales
Familie:	Asphodelaceae
Genus:	Aloe
Spesie:	A. ferox
Binomiale naam
Aloe ferox Mill.

Die aalwyn word geklassifiseer as 'n boom en sy nasionale nommer is 29.2.

Die beweidingskapasiteit is gering:

	EIW	SWIW	LnregWIW
Weidingsindekswaarde	1	1.1	0.95

Galery

• 

  'n Bitteraalwyn.

• 

  Bitteraalwyne in die veld.

• 

  Blomme

Sien ook

• Alfabetiese lys van Suid-Afrikaanse bome
• Lys van aalwynspesies

Bron

• Die Suid-Afrikaanse Gids- feite en wenke. Isabel Uys. 2009 ISBN 978-1-86919-324-9
• http://redlist.sanbi.org/species.php?species=2206-93