Dion van Dyk

Ds. Alexander Stadion (Dion) van Dyk is leraar in die Nederduitse Gereformeerde Kerk en was die laaste moderator van die Sinode van Midde-Afrika.

Dion van Dyk
Naam	Alexander Stadion van Dyk
Kerkverband	Nederduits Gereformeerd
Gemeente(s)	Gatooma Que Que Chegutu Chipinge Mutare Rusape Chinhoyi Karoi/Mungara Skuilkrans
Sendingwerk	Sendinggemeente Stellenbosch

Van Dyk begin sy bediening in 1976 in die Sendinggemeente Stellenbosch, maar vertrek reeds in 1981 na Zimbabwe as leraar van die Gatooma, wat die jaar daarna Kadoma geword het. In 1982 word hy tegelykertyd ook leraar van Que Que, wat in 1976 van Gatooma afgestig het, maar toe nie meer sy eie leraar kon bekostig nie. In 1989 word die derde gemeente by sy arbeidsveld gevoeg, Chegutu. In 1992 verlaat hy dié drie gemeentes en neem die herderstaf op in drie ander: Chipinge, Mutare en Rusape. In 1997 verhuis hy na Chinhoyi, waarna hy van 2001 af ook Karoi/Mahangura bedien. Die twee gemeentes smelt later saam.

Sy bediening in Zimbabwe kom in 2005 tot ’n einde toe hy na Pretoria verhuis om pastorale hulp van die NG gemeente Skuilkrans te word. Die volgende jaar word hy medeleraar daar.

Van Dyk het diep spore in Zimbabwe getrap. Hy was van die laat jare 80 moderator en het in verskeie kommissies gedien, onder meer voorsitter van die Kerkkantoorkommissie, lid van die beheerraad van Huis Vergesig, enigste tehuis vir bejaardes in Zimbabwe, afgevaardigde na die Raad van Gereformeerde Kerke in Midde-Afrika en die Zimbabwiese Raad van Kerke.