Dioptaas

Dioptaas
Dioptaas
Formule	CuSiO3.H2O
Nickel-Strunz (10)	9.CJ.30
Kleur	smaraggroen, blouerig groen
Streep	groen
Glans	glasagtig
Hardheid	5 (Mohs)
Digtheid	3,28 -3,35 g/cm3
Optiese eienskappe
Dubbelbreking	eenassig(+)
RI-waardes	nω = 1.652 - 1.658 nε = 1.704 - 1.710
Kristallografie
Kristalsisteem	romboëdries
Ruimtegroep	R3
Eenheidsel	a = 14.566 Å, c = 7.778 Å
* Lys van minerale
Portaal Geologie

Dioptaas is 'n mineraal wat koper bevat. Dit is 'n siklosilikaat.

In Suid-Afrika word dit op verskeie plekke gevind, ssos in Vergenoeg-myn naby Pretoria, naby Christiana in Noord-Wes en in Aggeneys in Namakwaland. In Namibië is daar talle vindplekke soos die Tsumeb-myn in Oshikoto.

Struktuur

Dioptaas is 'n siklosilikaat en bevat rimpelige trigonale ringe van ses silikaat-tetraëders wat afwissel met ringe van ses watermolekule wat 'n rimpelige ys-struktuur het. Die 6-lid-siklosilikaatringe word sydelings en vertikaal deur Cu²⁺-ione bymekaar gehou. Hierdie paramagnetiese ione vorm 'n heliks langs die struktuur se c-as. Die magetiese struktuur is chiraal en wys onderkant 14,5K 'n antifermagnetiese ordening wat onder 'n uitwendige magneetveld van 13,5 T 'n sprong in die magnetisasie wys. Hierdie struktuur is met ²⁹Si-KMR bestudeer.

Dioptaas is termies stabiel onderkant 400 ^oC. Van 400 -730 ^oC ('n baie breë gebied) verloor dit sy kristalwater en vorm 'swart dioptaas' wat die anhidraat is:

$Cu_{6}(Si_{6}O_{18}).6H_{2}O\to Cu_{6}(Si_{6}O_{18})\ +\ 6H_{2}O$

Verder verhitting veroorsaak ontbinding by omtrent 794 ^oC en 836 ^oC, waarby suurstof vrygestel word.