Emiraat Dirija
Die Emiraat Dirija (Arabies: إمارة الدرعية) was die eerste Saoediese staat.[1] Dit is in 1744 gestig toe die prediker Mohammad ibn Abdoel-Wahhab en prins Mohammad ibn Saoed ’n bondgenootskap gesluit het om ’n sosiaal-godsdienstige hervormingsbeweging te stig om die baie state op die Arabiese Skiereiland te verenig en van Ottomaanse imperialisme te bevry.[2][3]
In die loop van die 18de eeu het die Saoedi's die grootste deel van die skiereiland, waaronder die heilige stede Mekka en Medina, onder hulle gesag verenig. In die Ottomaans-Saoediese Oorlog van 1811-1818 is die emiraat deur die Ottomaanse Ryk verslaan.
Die Saoedi's was egter daartoe verbind om ’n tweede Saoediese staat te stig wat tot in 1891 geduur het en later ’n derde staat, Saoedi-Arabië, wat vandag nog bestaan.[4] Die manier waarop Mohammad ibn Saoed sy regering – wat op Islamitiese beginsels geskoei was – saamgestel het, dien vandag nog as model vir die heersers van die Huis van Saoed.
Sien ook
wysigVerwysings
wysig- ↑ Sir James Norman Dalrymple Anderson. The Kingdom of Saudi Arabia. Stacey International, 1983. Bl. 77.
- ↑ "Reform Movements" (PDF). Besoek op 17 Oktober 2017.
- ↑ "Muslim Religious Movements". Banglapedia (in Engels). Geargiveer vanaf die oorspronklike op 25 Oktober 2018. Besoek op 17 Oktober 2017.
- ↑ House of Saud Revivals Geargiveer 7 Januarie 2010 op Wayback Machine, King Abdullah Ibn Saud Information Resource
Bronne
wysig
Hierdie artikel is vertaal uit die Nederlandse Wikipedia
