Wikipedia

Donald Kagan

Amerikaanse historiese en klassiekus

Donald Kagan (1 Mei 1932 - 6 Augustus 2021) was 'n Amerikaanse historikus by Yale, wat spesialiseer in antieke Griekeland, en bekend is om sy geskiedenis van die Peloponnesiese oorlog in vier bande. Hy was dekaan van Yale-kollege van 1989 tot 1992. Hy was voorheen 'n lektor by die Geskiedenisdepartement te Cornell Universiteit. In 'n resensie in The New Yorker, sê kritikus George Steiner van Kagan se invloedryke geskiedenisbundel van die Peloponnesiese oorlog: "Die versoeking om Kagan se vierdelige bundel aan te prys as die voorste geskiedkundige geskrif om in hierdie (20ste) eeu in Noord-Amerika te ontstaan, is inderdaad sterk." Kagan word in die vroeë 21ste eeu algemeen beskou as een van die toonaangewende geleerdes in antieke Griekse geskiedenis.

Donald Kagan
Gebore 1 Mei 1932
Kuršėnai, Litaue
Oorlede 6 Augustus 2021
Nasionaliteit Vlag van Verenigde State van Amerika Verenigde State
Vakgebied Klassieke
Instelling(s) Cornell-universitei
Yale-universiteit
Alma mater Brooklyn-kollege
Brown-universiteit
Ohio Staatsuniversiteit
Bekend vir geskiedenis van die Peloponnesiese oorlog
Toekennings Nasionale Geesteswetenskap-medalje (2002)

Hy is gebore in 'n Joodse familie in Litaue, maar het grootgeword in die Brownsville-afdeling van Brooklyn, New York, waarheen sy familie geëmigreer het kort na die dood van sy vader. Hy het gegradueer van Brooklyn-kollege, 'n MA verkry by Brown-universiteit en 'n PhD ontvang van die Ohio State universiteit in 1958.[1]

Alhoewel eens 'n liberale demokraat, het Kagan sy sienings teen die 1970's verander, en was een van die oorspronklike ondertekenaars van die 1997 Stelling van Beginsels by die neokonserwatiewe denkskrum, die sg. Projek vir die Nuwe Amerikaanse Eeu.[2] Volgens Jim Lobe, soos aangehaal in Die Val van die Huis Bush deur Craig Unger (p.39, n.), het Kagan se wegkeer van liberalisme plaasgevind in die laat sestigs toe Cornell-universiteit druk ervaar het om 'n Swart studieprogram te skep vir protesterende studente: "Die aanskoue van administrateurs wat oor al die moed van 'n Neville Chamberlain beskik, het 'n groot impak op my gehad, en ek het veel meer konserwatief geword." Op die vooraand van die 2000 presidensiële verkiesings, het Kagan en sy seun, Frederick Kagan, 'n oproep tot verhoging van verdedigingsuitgawes gepubliseer, genaamd While America Sleeps. Die Nasionale Toegif vir die Geesteswetenskappe (NEH) het aan Donald Kagan die Nasionale Geesteswetenskappemedalje toegeken in 2002, en hom genooi om die 2005 Jefferson-lesing te lewer, wat die NEH beskryf as "die hoogste eer wat die federale regering toeken vir toonaangewende intellektuele prestasie in die geesteswetenskappe."[3] Kagan se Jefferson-lesing was getiteld "'n Verdediging van Geskiedenis";[4] waarin hy aangevoer het dat geskiedenis van primêre belang is in die bestudering van die geesteswetenskappe.[5][6]

Kagan is tans Sterling Professor in die Klassieke en Geskiedenis departement te Yale-universiteit — 'n titel wat slegs vir enkele mees gevestigde akademici te Yale beskore is. Sy kursus "Die Oorsake van Oorlog" was een van die universiteit se mees gewilde kursusse vir vyf en twintig jaar. Hy doseer tans "Inleiding tot die Antieke Griekse Geskiedenis"[7] en hoërvlak Geskiedenis en Klassieke Beskawing seminare, gefokus op temas van Thukydides tot die Spartaanse Oorhand. Hy woon in New Haven, Connecticut.

'n Ander seun, Robert Kagan, is ook betrokke by konserwatiewe politiek en buitelandse betrekkinge.

Werke

wysig
  • Kagan, Donald. (1965). The Great Dialogue: A History of Greek Political Thought from Homer to Polybius. New York: Free Press.
  • Kagan, Donald. (1969). The Outbreak of the Peloponnesian War. Ithaca: Cornell University Press. ISBN 0-8014-0501-7.
  • Kagan, Donald. (1974). The Archidamian War. Ithaca: Cornell University Press. ISBN 0-8014-0889-X.
  • Kagan, Donald. (1981). The Peace of Nicias and the Sicilian Expedition. Ithaca: Cornell University Press. ISBN 0-8014-1367-2.
  • Kagan, Donald. (1987). The Fall of the Athenian Empire. Ithaca: Cornell University Press. ISBN 0-8014-1935-2
  • Kagan, Donald. (1991). Pericles of Athens and the Birth of Democracy. New York: The Free Press. ISBN 0-684-86395-2.
  • Kagan, Donald. (1995). On the Origins of War and the Preservation of Peace. New York: Doubleday. ISBN 0-385-42374-8.
  • Kagan, Donald en Kagan, Frederick. (2000). While America Sleeps. New York: St. Martin's Press. ISBN 0-312-20624-0.
  • Kagan, Donald, Craig, Albert M., Graham, William A., Ozment, Steven, en Turner, Frank M. (2000). The Heritage of World Civilizations.
  • Kagan, Donald, Ozment, Steven, en Turner, Frank M.. (2003). The Western Heritage. New York: Prentice Hall. ISBN 0-13-182839-8.
  • Kagan, Donald. (2003). The Peloponnesian War. New York: Viking Press. ISBN 0-670-03211-5.
  • Kagan, Donald. (2009). Thucydides: The Reinvention of History. New York: Viking Press. ISBN 0-670-02129-6.

Verwysings

wysig
  1. ↑ "Leeu in Winter" (in Engels). yalealumnimagazine.com. 2002. Geargiveer vanaf die oorspronklike op 14 November 2012. Besoek op 19 Augustus 2007. {{cite web}}: Onbekende parameter |month= geïgnoreer (hulp)
  2. ↑ "Stelling van Beginsels". newamericancentury.org. Geargiveer vanaf die oorspronklike op 5 Februarie 2005. Besoek op 19 Augustus 2007.
  3. ↑ Jefferson-lesings Geargiveer 20 Oktober 2011 op Wayback Machine op die NEH Webblad (nageslaan Januarie 22, 2009).
  4. ↑ Donald Kagan,"'n Verdediging van Geskiedenis," Geargiveer 14 Februarie 2009 op Wayback Machine teks van die Jefferson-lesing op die NEH webblad.
  5. ↑ Philip Kennicott, "Yale Historikus Donald Kagan, Vermening van die Oue en die Neo," Washington Post, 13 Mei 2005.
  6. ↑ George F. Will, "Geskiedenis se morele oorhand," Washington Post, 19 Mei 2005.
  7. ↑ Donald Kagan se Kursus by Oop Yale Kursusse, [1] Geargiveer 30 Oktober 2010 op Wayback Machine

Eksterne skakels

wysig
Ontsluit van "https://af.wikipedia.org/w/index.php?title=Donald_Kagan&oldid=2713412"