Dowwekwassie
plant spesie
Die dowwekwassie (Sorocephalus palustris) is 'n blomdraende struik wat tot die genus Sorocephalus behoort en deel van die fynbos vorm. Die spesie is endemies aan die Wes-Kaap waar dit op die Kogelberg voorkom. Die plant was as uitgestorwe beskou en in 1984 laas gesien. Baie min inligting is beskikbaar van die spesie.
| Dowwekwassie | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Sorocephalus |
| Spesie: | S. palustris
|
| Binomiale naam | |
| Sorocephalus palustris Rourke, (1969)
| |
Die struik blom vanaf Februarie. Vuur vernietig die plant maar die sade oorleef. Die plant is tweeslagtig en bestuiwing vind deur die werking van insekte plaas. Die vrugte word, twee maande nadat die plant geblom het, ryp en die sade val na die grond waar dit deur miere versprei word. Die plant groei in veenagtige gronde op hoogtes van 1050 - 1200 m.
In Engels staan die struik as die Mat clusterhead bekend.