Drawidiese tale

Die Drawidiese tale is 'n taalfamilie wat veral in Suid-Indië en Noord-Sri Lanka asook in 'n kleiner mate in dele van Sentraal- en Oos-Indië, Pakistan, Nepal en Bangladesj gebesig word. Dit omvat 27 tale wat deur sowat 220 miljoen mense gepraat word. Die Indo-Ariese tale, wat veral in Noord-Indië gepraat word, is nie met die Drawidiese tale verwant nie, maar deur duisende jare se taalkontak het hulle talle gemeenskaplike kenmerke ontwikkel. Dit vorm 'n eie taalfamilie. In ruil daarvoor het die meeste van die huidige Drawidiese tale veral uit Sanskrit, Hindoeïsme se klassieke taal, baie woorde ontleen.

Drawidiese tale
Geografiese verspreiding:	Suid-Asië, meestal suidelike Indië en noordelike Sri Lanka
Genetiese klassifikasie:	Drawidiese tale
Onderafdelings:	Noord-Drawidies Sentraal-Drawidies Suid-Sentraal-Drawidies Suid-Drawidies
Verspreiding van Drawidiese tale:    Noord    Sentraal    Suid-Sentraal    Suid

Verspreiding van die Drawidiese tale binne die tale van Suid-Asië

Stamboom van Drawidiese tale

Die vier grootste tale (volgens moedertaalsprekers) is: Telugu (74 miljoen), Tamil (69 miljoen), Kannada (38 miljoen) en Malayalam (34 miljoen). Daarbenewens word Brahui oorwegend in Pakistan en Kurukh in Nepal gepraat. Sommige tale soos Malayalam en Tamil het gedurende die onlangse twee eeue deur migrasie ook in lande soos Singapoer (albei tale), Mauritius en Maleisië (beide Tamil) gevestig. Daar bestaan ook 'n Tamil-bevolking in die Suid-Afrikaanse provinsie KwaZulu-Natal.

• Die karakter ka in die Drawidiese skrifte
• 
  Kannada
• 
  Malayalam
• 
  Tamil
• 
  Telugu

Sien ook

• Drawide

Bronne

• (en) Krishnamurti, Bhadriraju (2003). The Dravidian Languages. Cambridge University Press. ISBN 0-521-77111-0.
• (en) Steever, Sanford Barringer (1998). The Dravidian Languages. London: Routledge. ISBN 978-0-415-10023-6.

Eksterne skakels

• (en) "Ethnologue: Languages of the World, Seventeenth edition, Dravidian". Ethnologue. Besoek op 16 Augustus 2020.
• (en) "Dravidian languages". Encyclopædia Britannica. Besoek op 16 Augustus 2020.