Droëwors
Droëwors is 'n eg Suid-Afrikaanse peuselkos wat op die tradisionele koljander-gekruide boerewors gebaseer is.[1] Dit word gewoonlik van dunner wors, eerder as die dikker soort gemaak, omrede die dunner wors vinniger droog word en dus nie so maklik bederf voordat dit gepreserveer word nie. Dikker droëwors word gewoonlik plat gedruk sodat dit 'n groter oppervlakte het om makliker uit te droog.
Die resep vir droëwors is soortgelyk aan die van boerewors, alhoewel vark- en kalfsvleis gewoonlik met beesvleis vervang word, omdat die vet van eersgenoemde kan bederf as dit gedroog word. Skaapderms vervang die varkderms wat in boerewors gebruik word. Ná die drogingsproses kan die droëwors in onverkoelde areas gestoor word.[2]
Droëwors is ongewoon onder ander gedroogde vleise omdat dit vinnig in warm, droë toestande gedroog word in teenstelling met tradisionele Italiaanse ingelegde salami, wat stadig in relatief koue en vogtige toestande gedroog word. 'n Verdere verskil is dat droëwors nie ingelegmiddels, soos in tradisionele ingelegde wors, bevat nie. 'n Direkte gevolg hiervan is dat droëwors nie in vogtige toestande geberg kan word nie, omrede dit maklik muf.
Sien ook
wysigEksterne skakels
wysig- Resep op boerekos.com Geargiveer 13 Mei 2012 op Wayback Machine
- Kookkuns.com se resep
Verwysings
wysig- ↑ Garbee, Jenn (7 Januarie 2009). "Beverly Hills meat shop specializes in worldly tastes". The Los Angeles Times.
- ↑ Greg M., D.J.; Hanson, Dana J.; Koshick, Charlotte M.; Ingham, Steven C. (2008). "Death of Salmonella serovars, Escherichia coli O157: H7, Staphylococcus aureus and Listeria". Journal of Food Safety. 28 (2): 198–209. doi:10.1111/j.1745-4565.2008.00114.x. Geargiveer vanaf die oorspronklike op 30 Junie 2012. Besoek op 20 Mei 2012.
