Beesvleis is die kulinêre naam vir vleis van beeste. Beesvleis kan van koeie, bulle, verse, tollies of osse (gekastreerde bulle) verkry word.

Beesvleis
'n Rou stuk ribbe vir braai of rooster
Beesvleis
'n Vleisbeesras, die "Glanrind"
Wagyu bees is 'n voorbeeld van 'n ras wat hoofsaaklik vir vleis aangehou word

Beesvleis kan in biefstuk (Engels: "steak"), braaisnitte, rooster (Engels: "potroast") of kortrib gesny word. Sommige snitte word verwerk (soutvleis of "beef jerky"), en afvalstukkies word soms gemeng met vleis van ouer beeste, gemaal en gebruik in worsies. Die bloed word gebruik in sommige variëteite van bloedwors, veral geliefd deur Duitsers.

Ander dele wat geëet word, sluit in die beesstert, lewer, tong, afval van die ingewande, kliere (veral die pankreas en timus, waarna verwys word as "zwezerik"), die hart, die brein (hoewel verbode waar daar 'n gevaar bestaan van spongiforme enkefalopatie, BSE), die niere en die sagte testikels van die bul (in die VSA bekend as kalfskyfies of Rocky Mountain oesters). Sommige ingewande word gaargemaak en net so geëet, maar dit word meer dikwels skoongemaak en gebruik as natuurlike worsderms. Die bene word gebruik vir die maak van beesaftreksel.

Die vleis van tollies en verse is soortgelyk, (indien dit dieselfde behandel is), behalwe dat tollies effens minder vet en meer spierweefsel het. Afhangende van die ekonomie, sal die aantal verse wat teruggehou word vir teling wissel. Ouer diere word gebruik vir vleis wanneer hulle verby hul reproduktiewe tyd vorder. Die vleis van ouer koeie en bulle is gewoonlik taaier en word dikwels gebruik vir maalvleis. Beeste wat vir vleis geteel word, word toegelaat om vrylik rond te loop op grasveld, of kan ingeperk word op 'n stadium in krale as deel van 'n voedingskema bekend as 'n voerkraal (of gekonsentreerde dierevoedingprogram), waar hulle gewoonlik 'n rantsoen van graan, hoë proteïen, hoë vesel en 'n vitamien-en-mineraal voormengsel gevoer word.

Beesvleis is die vleissoort wat die derde meeste geëet word ter wêreld, ongeveer 25% van alle vleisprodukte, ná varkvleis (38%) en pluimvee (30%).[1] Amerika, Brasilië en China is die drie grootste verbruikers van beesvleis ter wêreld. Op 'n per kapita basis in 2009, het die Argentyne die meeste beesvleis geëet met 65 kg per persoon; mense in die VSA het elk 40 kg geëet, terwyl diegene in die EU 17 kg geëet het.[2]

Die wêreld se grootste uitvoerders van beesvleis is Indië, Brasilië, Australië en die VSA.[3] Beesvleisproduksie is ook belangrik in die ekonomieë van Uruguay, Kanada, Suid-Afrika, Paraguay, Meksiko, Argentinië, Rusland en Nicaragua.

Verwysings wysig

  1. Raloff, Janet (31 Mei 2003). "Food for Thought: Global Food Trends". Science News Online (in Engels). Geargiveer vanaf die oorspronklike op 23 April 2008. Besoek op 20 April 2010.
  2. "Livestock and Poultry: World Markets and Trade (Oktober 2009)" (PDF) (in Engels). Geargiveer (PDF) vanaf die oorspronklike op 13 April 2010. Besoek op 20 April 2010. USDA PDF
  3. Beef and Veal Meat Exports by Country in 1000 MT CWE. 25 Maart 2013

Eksterne skakels wysig