Dwerggans

Die Dwerggans (Nettapus auritus) is 'n gelokaliseerde, algemene eendvoël. Dit is 'n standvoël in die subtropiese en tropiese laagliggende gebiede van Sub-Sahara Afrika en Madagaskar. Hul habitat is tipies panne of vloedvlaktes met drywende akwatiese plantegroei.

Dwerggans
Broeipaar te Leeupan in die suidelike Krugerwildtuin en 'n mannetjie in vlug
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Anseriformes
Familie:	Anatidae
Genus:	Nettapus
Spesie:	N. auritus
Binomiale naam
Nettapus auritus (Boddaert, 1783)
Nettapus-verspreiding      Dwerggans (N. auritus)      Kapokdwerggans (Asiatiese ras)      Kapokdwerggans (Australiese ras)      Sebradwerggans (N. pulchellus)

Identifikasie

Dit is 'n baie klein soort eend, maar met pragtige opvallende kleure. Die eend is 30–33 cm lank en weeg 230 tot 320 gram. Oranje-kleurige lyf, wit bors, wit gesig met donker groen rug. Hulle verkies om in die water te bly, waarmee hul kleur mooi saamsmelt.

Habitat

Varswater areas met drywende waterplante. Hulle verkies stil riviertakke en vleie met baie waterplante en word altyd in pare of klein swerms aangetref.

Broeigewoontes

Hulle maak nes in 'n gat in 'n boom of krans, gewoonlik naby water. Dwerggansneste word uiters selde gesien.

Verspreiding

Noordooste van Suid-Afrika, Zimbabwe en Mosambiek. Hulle hou van tropiese streke, maar word ook waargeneem in droër gebiede.

Geluid

'n Swei-swei geluid.

Ander name

• Duits: Afrikanische zwerggans
• Engels: African pygmy goose
• Frans: Anserelle naine
• Kwangali: Kamugcara
• Nederlands: Afrikaanse dwerggans
• Portugees: Pato-orelhudo

Galery

• 
  Broeipaar in die Moremiwildtuin van noordelike Botswana (wyfie links)
• 
  Mannetjie te Muirhead-damme in noordelike Limpopo
• 
  Mannetjie in die Noord-Carolinadieretuin
• 
  Wyfie in die Noord-Carolinadieretuin

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bronnelys

• Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7
• KENNIS, vol 14, 1980, bl. 2898-2899, ISBN 0 7981 0836 3