Dwergkwassie
Die dwergkwassie (Sorocephalus tenuifolius) is 'n blomdraende struik wat tot die genus Sorocephalus behoort en deel van die fynbos vorm. Die spesie is endemies aan die Wes-Kaap waar dit in die Palmietriviervallei in die Kogelberg voorkom. Die plant was as uitgesterf beskou in 1987 maar 'n nuwe populasie is ontdek.
| Dwergkwassie | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Sorocephalus |
| Spesie: | S. tenuifolius
|
| Binomiale naam | |
| Sorocephalus tenuifolius R.Br., (1810)
| |
| Sinonieme | |
| |
Die struik word slegs 1 m hoog en blom van Januarie tot Februarie. Vuur vernietig die plant maar die sade oorleef. Die plant is tweeslagtig en bestuiwing vind deur die werking van insekte plaas. Die vrugte word, twee maande nadat die plant geblom het, ryp en die sade val na die grond waar dit deur miere versprei word. Die plant groei in klam, sanderige grond op hoogtes van 400 m.
In Engels staan die struik as die Diminutive clusterhead bekend.