Gestreepte seekastaiing

Die Gestreepte seekastaiing (Echinothrix calamaris) is 'n seekastaiing wat in die westelike Stille Oseaan asook die Indiese Oseaan voorkom, meer spesifiek, die Rooisee en die kus van Oos-Afrika tot by die noorde van KwaZulu-Natal. Die kastaiing word tot 50 mm groot.

Gestreepte seekastaiing
Wetenskaplike klassifikasie
Koninkryk:	Animalia
Filum:	Echinodermata
Klas:	Echinoidea
Superorde:	Echinacea
Orde:	Diadematoida
Familie:	Diadematidae
Genus:	Echinothrix
Spesie:	E. calamaris
Binomiale naam
Echinothrix calamaris Pallas, 1774

'n Kenmerk van die kastaiing is dat dit oor twee soorte stekels beskik. Die een soort is lank, dik en hol met wit en swart bande op terwyl die tweede soort kort en wit is; meer soos naalde. Die anale sak het kenmerkende wit kolletjies op. Hulle word gevind in strandmere en rotsriwwe in water wat tot 30 m diep is. Hulle skuil gewoonlik in rotsskeure of onder rotse gedurende die dag en kom uit in die nag. Hulle vreet oor die algemeen alge maar soms ook ongewerweldes.

Aanraking met die kort stekels is baie seer en brand. Klein kardinaalvissies skuil soms in die stekels.

Galery

• 
  Die mees algemeenste vorm
• 
  Die twee tipe stekels verskil
• 
  The 5-fold symmetry and blue iridophores are obvious on this picture
• 
  Spesie met wit primêre stekels.
• 
  Donkerder kleur

Eksterne skakel

• http://www.sealifebase.org/summary/Echinothrix-calamaris.html

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3