Eckhart Tolle

Eckhart Tolle, gebore Ulrich Leonard Tölle (Lünen, Duitsland, 16 Februarie 1948) is 'n Duitse onderwyser en skrywer op die gebied van spiritualiteit. Sy eerste boek The Power of Now het 'n topverkoper geword.

Lewe

Tolle is in Duitsland gebore. Hy het vanaf die ouderdom van dertien saam met sy pa in Spanje gewoon. Omstreeks die ouderdom van 20 het hy na Engeland verhuis. Omdat hy geen hoërskoolopleiding gehad het nie, moes hy 'n aandkursus volg om vir universiteit te kwalifiseer. Hy het daarna die Universiteit van Londen en die Universiteit van Cambridge bygewoon. Op die ouderdom van nege-en-twintig het hy glo 'n "geestelike transformasie" ervaar wat die begin van sy funksionering as 'n geestelike berader en onderwyser was. Hy het toe sy naam verander na "Eckhart", na die 13de-eeuse mistikus Meester Eckhart.

Vandag woon hy in die Kanadese stad Vancouver.^[1]^[2]^[3]

Werk

Sy eerste boek The Power of Now was nommer een op die New York Times se topverkoper lys. Hierdie werk is in meer as dertig tale vertaal. Die Amerikaanse televisiegasheer Oprah Winfrey beskou The Power of Now as een van haar gunstelingboeke. Nog 'n boek - A New Earth, The Challenge of Our Times - was in Maart 2008 nommer een op die New York Times se topverkoperlys.

In Januarie 2008 het Oprah Winfrey A New Earth in haar "Oprah's Book Club"-keur gekies. Dit het gepaardgegaan met 'n tien weke lange "regstreekse aanlyn seminaar" (of "webinar") met Tolle. Dit het op 3 Maart 2008 begin.

Op Saterdag, 30 Oktober 2010, het Eckhart Tolle die maand van spiritualiteit geopen met 'n twee uur lange toespraak oor "tyd maak" by De Doelen in Rotterdam.

Engelstalige werke

The Power of Now: A Guide to Spiritual Enlightenment, New World Library, ISBN 1-57731-152-3 (HC) ISBN 1-57731-480-8 (PB)
Practicing the Power of Now: Essential Teachings, Meditations, and Exercises from The Power of Now, New World Library, ISBN 1-57731-195-7 (HC)
Stillness Speaks: Whispers of Now, New World Library, ISBN 1-57731-400-X
A New Earth: Awakening to Your Life's Purpose, Dutton, ISBN 0-525-94802-3

DVD

The Flowering of Human Consciousness: Everyone's Life Purpose, Namaste Publishing, Inc., 2001 ISBN 1-59179-154-5
Eckhart Tolle's Findhorn Retreat - Stillness Amidst The World, New World Library, ISBN 1-57731-509-X
De kracht van STILTE - Eckhart Tolle live in Rotterdam, Ankh Hermes, augustus 2012, ISBN 978-90-202-0808 5

Verwysings

↑ McKinley, Jesse (23 Maart 2008). "The Wisdom of the Ages, for Now Anyway". The New York Times. Besoek op 19 Oktober 2009.
↑ Walker, Ether (21 Junie 2008). "Eckhart Tolle: This man could change your life". The Independent. Besoek op 24 Augustus 2021.
↑ Rottgardt, Beate (27 Mei 2008). "Amerikas Guru stammt aus Lünen" [America's guru comes from Lünen]. Ruhr Nachrichten. Geargiveer vanaf die oorspronklike op 27 Mei 2008. Besoek op 5 Augustus 2021.

Eksterne skakels

[McKinley_2008-1] McKinley, Jesse (23 Maart 2008). "The Wisdom of the Ages, for Now Anyway". The New York Times. Besoek op 19 Oktober 2009.

[Indy_2011-2] Walker, Ether (21 Junie 2008). "Eckhart Tolle: This man could change your life". The Independent. Besoek op 24 Augustus 2021.

[Lunen-3] Rottgardt, Beate (27 Mei 2008). "Amerikas Guru stammt aus Lünen" [America's guru comes from Lünen]. Ruhr Nachrichten. Geargiveer vanaf die oorspronklike op 27 Mei 2008. Besoek op 5 Augustus 2021.

[1]

[2]

[3]