Edoardo Villa-museum, Pretoria
| |
Die Edoardo Villa-museum word gehuisves in die Ou Merensky-biblioteek op die Hatfieldkampus van die Universiteit van Pretoria.
| |
| Plek | Pretoria |
|---|---|
| Land |  Suid-Afrika
|
| Openingsjaar | 1995 |
| Tipe museum | Kunsmuseum |
| Webtuiste | University of Pretoria Museums: Edoardo Villa Collection |
Die Edoardo Villa-museum in Pretoria is 'n kunsmuseum geleë in die Ou Merensky-biblioteek by die Hatfieldkampus van die Universiteit van Pretoria. Die museum huisves 'n versameling beeldhouerke deur die Suid-Afrikaanse beeldhouer van Italiaanse afkoms, Edoardo Villa.
Geskiedenis
wysig
Edoardo Villa is in 1915 in Italië gebore. Villa het tydens die Tweede Wêreldoorlog in die Italiaanse weermag gedien, en is in Noord-Afrika gewond en gevange geneem, waarna hy na die Zonderwater-krygsgevangenekamp naby Cullinan gestuur is. Hy is in 1947 vrygelaat, en besluit om in Suid-Afrika aan te bly en as beeldhouer te werk. Die museum het sy ontstaan te danke aan die sowat 140 beeldhouwerke wat Villa in 1994 en 1995 aan die Universiteit van Pretoria geskenk het. Villa, tesame met Dr Andre Breedt en Mnr. Uwe Gunter was betrokke by die beplanning van die museum wat amptelik op 31 Mei 1995, op Edoardo Villa se 80ste verjaardag, geopen is. Mnr. Gunter was die eerste kurator van die museum. Gedurende die eerste 14 jaar van die museum se bestaan is 51 kunswerke tot die versameling bygevoeg. Die Edoardo Villamuseum huisves tans die grootste enkele versameling van kunswerke deur dié kunstenaar en bied 'n oorsig van sy werk tussen 1943 en 2004.[1] Villa is op 1 Mei 2011 in Johannesburg oorlede.[2]
Villa-museum in Italië
wysig'n Tweede Villa-museum is deur Giovanni Cervi, 'n vurige versamelaar van Villa se beeldhouwerke, naby Villa se geboorteplek in Treviglio, Italië, geopen.[3]
Verwysings
wysig- ↑ "Museums & Collections – Edoardo Villa Collection" (in Engels). University of Pretoria. Geargiveer vanaf die oorspronklike op 9 Oktober 2019. Besoek op 9 Maart 2017.
- ↑ "Sunday Times: 2011-05-08 – Eduardo Villa" (in Engels). Sunday Times. Geargiveer vanaf die oorspronklike op 12 Mei 2020. Besoek op 9 Maart 2017.
- ↑ "Johans Borman Fine Art: Edoardo Villa (1915–2011)" (in Engels). www.johansborman.co.za. Geargiveer vanaf die oorspronklike op 3 Mei 2020. Besoek op 9 Maart 2017.