Eenstreepmuis

Die Eenstreepmuis (Lemniscomys rosalia) kom in die ou Transvaalgebied en KwaZulu-Natal van Suid-Afrika, Zimbabwe, Mosambiek en die noorde van Namibië voor.

Eenstreepmuis
'n Naverwante soort
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Rodentia
Familie:	Muridae
Genus:	Lemniscomys
Spesie:	L. rosalia
Binomiale naam
Lemniscomys rosalia (Thomas, 1904)

Voorkoms

Die knaagdier se kleur wissel van 'n bleek, grysbruin in die droë gebiede tot oranjebruin in hoëreënvalgebiede. Die enkele streep op sy rug is kenmerkend. Die diertjie word tot 27 cm lank en weeg ±60 g.

Habitat en gewoontes

Hulle verkies om in grasryke dele van die bosveld of droë bossieveld te woon. Die eenstreepmuis is daglewend en 'n alleenloper. Hulle grawe gate onder ou platgevalde gras of by die basis van 'n struik. Hulle gebruik ook uitgetrapte paadjies na hul weigebied. Daar word 2 tot 5 kleintjies gebore van September tot Maart en hulle eet gras en sade.

Sien ook

• Lys van Suider-Afrikaanse soogdiere
• Lys van Suider-Afrikaanse soogdiere volgens wetenskaplike name
• Suider-Afrikaanse soogdiere en hul ordes

Bron

• Die Soogdiergids van Suider-Afrika. Burger Cillié. 2009. ISBN 978-1-875093-46-5