Elandsrivier (Noordwes)

Hierdie artikel handel spesifiek oor die Elandsrivier wat in Noordwes vloei. Vir ander riviere met dieselfde naam, sien Elandsrivier (meersinnig)

Die Elandsrivier[1] is 'n takrivier van die Krokodilrivier in Noordwes in Suid-Afrika. Dit vloei in die opvanggebied van die Limpoporivier.

Elandsrivier
Stroomgebied Noordwes, Suid-Afrika
Monding 5 km onder Vaalkopdam
Monding-hoogte 975 m
Ligging van Elandsrivier op 'n kaart (Noordwes)
Elandsrivier
Elandsrivier
Koördinate: 25°18′27″S 27°28′28″O / 25.30750°S 27.47444°O / -25.30750; 27.47444Koördinate: 25°18′27″S 27°28′28″O / 25.30750°S 27.47444°O / -25.30750; 27.47444

Oorsprong en roete wysig

Die Elandsrivier se oorsprong is wes van Koster in Noordwes, en loop noordwaarts deur die dorp Swartruggens in die Lindleyspoortdam in. 'n Paar kilometer stroomaf van die damwal, swenk dit ooswaarts van Silwerkrans en vloei vir etlike kilometer in 'n oos-noordoostelike rigting deur die veld. Verder oos vloei dit reg suid van die Pilanesberg, skaars 1,5 km van die buitenste omtrek van die antieke kraterformasie af.

Die Elands vloei hierna ooswaarts tot in die Vaalkopdam. Uiteindelik ongeveer 5 km stroomaf van die dam, sluit dit by die Krokodilrivier se linkeroewer aan. Die belangrikste sytakke van die Elands is die Kosterrivier, Selonsrivier en Hexrivier, met laasgenoemde wat by sy regteroewer by die Vaalkopreservoir aansluit.

Monding wysig

Mynbou wysig

Daar is bedrywige platinummynbou, insluitend vir verwante elemente soos palladium, rodium, ruthenium, iridium en osmium, in die Elandsrivierkom, sowel as die goud, nikkel en koper wat in die erts teenwoordig is. Die enigste groot stad in die omgewing is Rustenburg. Sun City is tussen die Elandsrivier en die Pilanesberg geleë.

Sytakke wysig

Verwysings wysig

  1. Kaart van die Elandsrivier op Geonames.org (cc-by); databasis afgelaai op 2017-02-28