Elim-tolbos
Die Elim-tolbos (Leucadendron elimense subsp. elimense) is 'n blomdraende struik en subspesie van Leucadendron elimense, wat tot die genus Leucadendron behoort en deel van die fynbos-bioom vorm. Die spesie is endemies aan die Wes-Kaap waar dit voorkom op die Elimvlakte vanaf Gansbaai tot by Bredasdorp.
| Elim-tolbos | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Leucadendron |
| Spesie: | L. e. subsp. elimense
|
| Binomiale naam | |
| Leucadendron elimense subsp. elimense E.Phillips, (1937)
| |
Die struik word tot 1.5 m hoog en vrek nadat dit gebrand het maar die sade oorleef. Die struik blom van Julie tot September. Die sade word in 'n tol op die vroulike plant geberg en val eers grond toe twee maande nadat die blom ryp geword het. Die sade kan moontlik deur knaagdiere versamel word. Die plant is eenslagtig en daar is afsonderlike plante met manlike en vroulike blomme, wat deur klein insekte bestuif word. Die plant groei hoofsaaklik in vlak grond op hoogtes van 10 - 170 m.
In Engels staan dit as die Elim conebush bekend.