Elizabeth Salt
Elizabeth Salt (née Covare) was die held van die Kaapse grensoorloë.
Elizabeth Salt | |
|---|---|
| Gebore | Elizabeth Covare 22 Augustus 1785[1] |
| Sterf | 22 Augustus 1850 |
| Nasionaliteit | Frankryk |
| Eggenoot | Sersant William Salt |
| Kinders | Elizabeth Smith[2] |
Tydens die Vyfde Grensoorlog het 'n mag van tussen 6 000 en 10 000 Xhosa-krygers onder Makana tydens die Slag van Egazini (ook bekend as die Geveg om Grahamstad) helder oordag op 22 April 1819 die dorpie Grahamstad beleër. Die Britse troepemag van nagenoeg 350 man onder kol. Thomas Willshire se ammunisie was gou gedaan. Volgens oorlewering het 'n vrou van een van die soldate, Elizabeth Salt, wapens en ammunisie so vermom asof sy 'n babetjie by haar dra. Aangesien die Xhosa-krygers 'n groot respek vir 'n vrou en 'n kindjie gehad het, het hulle haar laat deurgaan na die Engelse soldate. Na 'n geveg van 'n uur het 'n 1 000 Xhosas gesneuwel teenoor 2 Britse soldate en 3 gewondes.
Salt is op 22 Augustus 1785 in Frankryk gebore. Sy het later met die Britse soldaat, sersant Salt, in die huwelik getree. Sy was ongeveer vier en dertig jaar oud toe sy haar kordaatstuk verrig het. Sy is in 1850 op haar verjaarsdag oorlede.
In Hoogstraat in Grahamstad is 'n gedenkteken wat hierdie gebeure in herinnering roep.
Bibliografie
wysig- www.grahamstown.co.za
- www.southafrica.net
Verwysings
wysig- ↑ Grahamstown Journal 1850 - 3 - July to September Geargiveer 4 Maart 2016 op Wayback Machine, besoek op 29 Januarie 2015
- ↑ Profiel op geni.com, besoek op 29 Januarie 2015