Elsabe Steenbergprys vir Vertaalde Kinder- en Jeugliteratuur in Afrikaans

Die Elsabe Steenbergprys vir Vertaalde Kinder- en Jeugliteratuur in Afrikaans is ’n letterkundige prys wat sedert 2008 driejaarliks deur die Suid-Afrikaanse Akademie vir Wetenskap en Kuns toegeken word. Werke wat uit enige taal in Afrikaans vertaal word, word vir hierdie prys in aanmerking geneem in die kategorie kinderliteratuur – dit wil sê die groep lesers vanaf vyf tot twaalf jaar – en jeugliteratuur wat op jong volwassenes gemik is. By die beoordeling van die vertaling word gelet op die aansien wat die vertaalde werk binne sy eie letterkunde geniet en op die juistheid, oorspronklikheid en gehalte van die vertaling

Die prys is vernoem na die Suid-Afrikaanse skryfster Elsabe Steenberg.

Lys van wenners wysig

  • 2008Jaco Jacobs (Willemien en die geel kat na Ottoline and the yellow cat deur Chris Riddell)
  • 2012Amelia de Vaal (die Kabouter-reeks)
  • 2015Kobus Geldenhuys (Hoe om drakonees te praat na How to speak dragonese deur Cressida Cowell)[1]
  • 2018 – Kobus Geldenhuys (Kewerknaap na Beetle boy deur M.G. Leonard)[2]
  • 2021 – Gunter Pakendorf (Die eindelose storieDie unendliche Geschichte deur Michael Ende)[3]

Bron wysig

Verwerk vanaf akademie.co.za.

Verwysings wysig

  1. "Akademiepryse 2015" (pdf). SA Akademie. 2015. Besoek op 1 Julie 2016.[dooie skakel]
  2. Prinsloo, Dionē (13 April 2018). "SA Akademiepryse 2018" (PDF). Geargiveer vanaf die oorspronklike (pdf) op 21 Desember 2018. Besoek op 20 Mei 2019.
  3. "SA Akademiepryse 2021" (PDF). SA Akademie. 16 April 2021. Geargiveer vanaf die oorspronklike (PDF) op 6 Mei 2021. Besoek op 6 Mei 2021.