Embraer ERJ familie

Streeksvliegtuie

Die Embraer ERJ familie (ERJ: Embraer Regional Jet, modelle EMB 135 en EMB 145) is 'n reeks turboskroefaangedrewe vliegtuie wat in Brasilië ontwikkel is en vervaardig word deur Embraer. Die EMB145, met 45-48 sitplekke, is in 1989 bekend gestel en is ontwikkel as 'n verlengde weergawe van die Embraer EMB 120 Brasilia. Die vliegtuig het sy nooiensvlug op 11 Augustus 1995 onderneem en is op 10 Desember 1996 gesertifiseer. Dit is op 6 April 1997 in diens gestel, met die verkorte weergawe, die ERJ135 en ERJ140 modelle in 1999.

Embraer ERJ-familie
Embraer EMB-145LR (ERJ-145LR), American Eagle AN0969536.jpg
'n American Eagle ERJ-145
Tipe Passasiersvliegtuig
Vervaardiger Embraer
Nooiensvlug 11 Augustus 1995
Bekendstelling 6 April 1996
Status Aktief
Vervaardig 1992–2020
Aantal gebou 1 231
Programkoste VS$300 miljoen (1995)
Eenheidskoste VS$15 miljoen (1996)
Ontwikkel van Embraer EMB 120 Brasilia
Weergawes R-99 and P-99
Embraer Legacy 600

Dit het die sitplekuitleg van drie-langsmekaar van die Brasilia behou, maar is met 'n nuwe swiepvlerk toegerus en word aangedryf deur twee AE3007 turboskroefmotore. Die vliegtuig se togafstand is 3 700 km.

Die familie bestaan uit die ERJ135 (37 sitplekke), ERJ140 (44 sitplekke) en ERJ145 (50 sitplekke) asook die Legacy 600-besigheidsvliegtuig en die R-99 militêre vliegtuig. Die familie se grootste kompetisie is die Bombardier CRJ streeksvliegtuie. Aan die einde van 2020 is daar reeds 1 231 eenhede vervaardig.