Enrico Fermi (29 September 190128 November 1954) was 'n Italiaanse kernfisikus. Hy is in Rome gebore. Hy studeer aan die Universiteit van Pisa en word in 1924 aangestel as lektor in fisika aan die Universiteit van Florence. In 1926 aanvaar hy 'n pos as professor in Teoretiese Fisika aan die Universiteit van Rome. In 1938 word die Nobelprys vir fisika aan hom toegeken,[1] hy verhuis na die VSA en aanvaar 'n lektorspos aan die Universiteit van Columbia.

Enrico Fermi
Enrico Fermi tussen 1943 en 1949

Gebore 29 September 1901
Rome, Italië
Oorlede 28 November 1954 (op 53)
Chicago, Illinois
Blyplek Verenigde State
Nasionaliteit Vlag van Italië Italië (1901–54)
Vlag van Verenigde State van Amerika Verenigde State (1944–54)
Vakgebied Fisika
Instelling(s) Scuola Normale Superiore
Universiteit van Göttingen
Universiteit van Leiden
Universiteit van Florence
Sapienza Universiteit van Rome
Columbia Universiteit
Universiteit van Chicago
Alma mater Scuola Normale Superiore
Doktorale promotor(s) Luigi Puccianti
Doktorale student(e) Harold Agnew
Edoardo Amaldi
Owen Chamberlain
Geoffrey Chew
Jerome Friedman
Richard Garwin
Marvin Goldberger
Tsung-Dao Lee
Ettore Majorana
Arthur Rosenfeld
Emilio Segrè
Sam Treiman
Ander bekende student(e) Jack Steinberger
Chen Ning Yang
Bekend vir Kern-kettingreaksie
Fermi-Dirac statistieke
Teorie van betaverval
Fermi-paradoks
Toekennings Matteucci-medalje (1926)
Nobelprys vir fisika (1938)
Hughes-medalje (1942)
Medalje van Verdienste (1946)
Franklin-medalje (1947)
ForMemRS (1950)
Barnard-medalje vir voortreflike diens te Wetenskap (1950)
Rumford-prys (1953)
Max Planck-medalje (1954)
Handtekening

Met die aanvang van die Tweede Wêreldoorlog is hy aktief besig met kernenergieprojekte en in Februarie 1940 maak president Franklin D. Roosevelt VS$6 000 beskikbaar vir verdere navoring. Dit was die begin van die Manhattan-projek. Aan die einde van 1941 is die projek oorgeplaas na die Universitiet van Chicago.

Op 2 Desember 1942 is die eerste beheerde en selfonderhoudende kettingreaksie suksesvol voltooi onder die beheer van Fermi. Dit was die eerste kernreaktor. Dit gee aanleiding tot verdere ontwikkeling en die eerste kernkragontploffing. Ná die oorlog aanvaar Fermi 'n pos as professor in Fisika aan die Universiteit van Chicago in 1946. Op 16 November 1954 ken die Amerikaanse Atoomenergiekorporasie 'n prys van $25 000 aan hom toe uit erkenning vir sy werk op die gebied van kernfisika. Hy is op 28 November 1954 in Chicago oorlede.

Verwysings wysig

  1. "The Nobel Prize in Physics 1938" (in Engels). Nobelprize.org. Geargiveer vanaf die oorspronklike op 17 Junie 2018. Besoek op 8 Oktober 2017.

Bron wysig

  • Collier's Encyclopedia, Vol. 9 , bladsy 663. Crowell-Collier Educational Corporation. 1971

Eksterne skakels wysig