Maak hoofkeuseskerm oop

Ermengarde van Italië (* waarskynlik 852/855; † 22 Junie 896), was die jongste dogter van Lodewyk II van Italië. Hy was koning van Italië en Romeinse Keiser en is in Augustus 875 oorlede.

Haar leweWysig

 
In groen: die graafskap Vienne in die 9de eeu.

Lodewyk II het in 869 met die Bisantynse Keiser Basilius I oor 'n alliansie teen die Sarasene onderhandel, wat dele van Italië beset het. Hulle het oorweeg om Ermengarde met Konstantyn, die erfgenaam tot die Bisantynse troon, te laat trou, maar dit het nie sover gekom nie. Sy trou uiteindelik tussen Maart en Junie 876 met Boso van Vienne, wat uit die familie van die Buviniede stam en vanaf 870 graaf van Vienne was. Haar pa het hom tot hertog in Italië en sy verteenwoordiger gemaak.

In Mei 878 vlug Pous Johannes VIII voor die Sarasene en hulle Italiaanse bondgenote en vind by haar en Boso in Arles skuiling.

Boso probeer om die Koninkryk van Boergondië te herstel met Vienne -effens suid van Lyon- as hoofstad, maar die troepe van die Frankiese koninge Karel die Dikke, Lodewyk III en Karloman beleër onder leiding van Boso se broer Richard die stad. Ermengarde verdedig in 880 die stad suksesvol. Die troepe van Karel die Dikke neem egter in Februarie 881 die stad ná 'n tweede beleg in en Vienne word geplunder en tot op die grond afgebrand. Richard het egter sy skoonsuster en haar kinders onder sy beskerming geneem en hulle na Autun gebring, terwyl Boso na Provence gevlug het.

Na Boso se dood op 11 Januarie 887 is Ermengarde met Richard se hulp as die Regent van die Provence aangestel; in Mei van dieselfde jaar het sy haar seun Ludwig vir keiser Karel die Dikke gebring, sodat hy vir hom kon aanneem, wat ook gebeur het.

In Mei 889 onderwerp sy haar aan die Oos-Frankiese koning Arnolf van Karintië.

Ermengarde was Abdis van San Salvatore te Brescia.

Huwelik en nageslagWysig

Ermengarde trou tussen Maart en Junie 876 Boso van Vienne; met hom het sy waarskynlik drie kinders:

  • Engelberga (* om 877, † ná Januarie 917)
∞ voor 910 Wilhelm I († 6. Julie 918), Hertog van Akwitanië
  • Irmengard (Ermengard) (* 880/885)
∞ Manasses I (d. 918), graaf van Chalon, hulle seun was Giselbert, 952-956 Hertog van Boergondië.
  • Lodewyk III Bosonides, die Blinde (881/882; † 5. Junie 928), 887-928 koning van Nederboergondië
∞ tot 900 Anna van Bisantium (* 886, † voor 914) was die dogter van die Bisantynse Keiser Leo VI.
∞ 914 Adelheid van Boergondië, dogter van koning Rudolf I van die familie van die Welfen

LiteratuurWysig

  • François Bougard: Ermengarda. In: Fiorella Bartoccini (Hrsg.): Dizionario Biografico degli Italiani (DBI). Band 43 (Enzo–Fabrizi), Istituto della Enciclopedia Italiana, Rom 1993, S. 214–218..