Fanie van der Merwe (paralimpiese atleet)

Fanie van der Merwe OIS is 'n paralimpiese atleet van Suid-Afrika wat aan die kategorie T37-naellope deelneem. Hy het sy vaderland op die Paralimpiese Somerspele van 2008 in Beijing, op die Paralimpiese Somerspele van 2012 in Londen en op die Paralimpiese Somerspele van 2016 in Rio de Janeiro verteenwoordig.

Fanie van der Merwe dra Suid-Afrika se vlag tydens die sluitingseremonie van die Paralimpiese Somerspele 2016 (langs die vlae van Angola en Japan)

In 2008 wen hy twee goue medaljes in die 100 m en 200 m T37-naellope tydens die Paralimpiese Somerspele.

Tydens die All-Africa Games van 2011 in Maputo wen hy 'n verdere goue medalje in die 200 m T37-naellope.